എംടി തലമുറകളെ രൂപപ്പെടുത്തിയ രചനകളുടെ കർത്താവ്; പ്രധാനമന്ത്രി നരേന്ദ്ര മോദി

എം.ടി. വാസുദേവൻ നായരുടെ (MT Vasudevan Nair) വിയോഗത്തിൽ ദുഃഖം രേഖപ്പെടുത്തി പ്രധാനമന്ത്രി നരേന്ദ്ര മോദി. മലയാള സാഹിത്യ, സിനിമാ മേഖലകളിലെ ബഹുമാന്യ വ്യക്തിത്വങ്ങളിൽ ഒരാളായിരുന്നു എം.ടി. എന്ന് മോദി അദ്ദേഹത്തിന്റെ എക്സ് അക്കൗണ്ടിൽ കുറിച്ചു. തലമുറകളെ രൂപപ്പെടുത്തിയ, മനുഷ്യവികാരങ്ങളെ ആഴത്തിൽ പര്യവേക്ഷണം ചെയ്ത അദ്ദേഹത്തിന്റെ കൃതികൾ വരും തലമുറകൾക്കും പ്രചോദനമാകും. നിശബ്ദർക്കും, പാർശ്വവൽക്കരിക്കപ്പെട്ടവർക്കും അദ്ദേഹം നാവായി. അദ്ദേഹത്തിന്റെ കുടുംബത്തിന്റെയും, അദ്ദേഹത്തെ ആരാധിച്ചുപോന്നവരുടെയും ദുഃഖത്തിൽ പങ്കുചേരുന്നു എന്നും മോദി.