'സാമൂഹിക അകലം കൃത്യമായി പാലിച്ചാൽ മദ്യശാലകള്‍ക്ക് വിലക്കുണ്ടാകില്ല' : മഹാരാഷ്ട്ര ആരോഗ്യമന്ത്രി

രാജ്യത്ത് തന്നെ ഏറ്റവും കൂടുതൽ കോവിഡ് മരണങ്ങൾ റിപ്പോർട്ട് ചെയ്യപ്പെടുന്ന സംസ്ഥാനമാണ് മഹാരാഷ്ട്ര. ആ സാഹചര്യത്തിൽ അവിടുത്തെ ആരോഗ്യമന്ത്രിയുടെ ഭാഗത്തു നിന്നുണ്ടായ ഇത്തരമൊരു പ്രസ്താവന അദ്ദേഹത്തിന്റെ സ്വന്തം അഭിപ്രായപ്രകടനമാണോ അതോ ഔദ്യോഗിക തീരുമാനം ആണോ എന്ന കാര്യത്തില്‍ വ്യക്തത വന്നിട്ടില്ല.

സംസ്ഥാന വരുമാനവും തൊഴിലിലുണ്ടാകുന്ന പ്രത്യാഘാതങ്ങളും കണക്കിലെടുത്ത് ഘട്ടം ഘട്ടമായി ഡിസ്റ്റിലെറികളും വൈൻ ഷോപ്പുകളും തുറക്കാനുള്ള ശുപാർശകളടങ്ങിയ കത്ത് കോൺഫിഡറേഷൻ ഓഫ് ഇന്ത്യന്‍ ആൽക്കഹോളിക് ബിവറേജ് കമ്പനീസ് മഹാരാഷ്ട്ര മുഖ്യമന്ത്രി ഉദ്ദവ് താക്കറെയ്ക്ക് കൈമാറിയിരുന്നു.ഇതിന് പിന്നാലെയാണ് ആരോഗ്യമന്ത്രിയുടെ ഇത്തരമൊരു പ്രസ്താവന എന്നതും ശ്രദ്ധേയമാണ്.