'നൂറ് ശതമാനവും നിങ്ങൾക്കൊപ്പം'; ജെയ്റ്റ്ലിക്ക് രാഹുൽ ഗാന്ധിയുടെ സ്നേഹ സന്ദേശം

ന്യൂഡൽഹി: തർക്കങ്ങളും പാക് പോരും മറന്ന്, വൃക്കരോഗവുമായി ബന്ധപ്പെട്ട് ചികിത്സയിലുള്ള ധനമന്ത്രി അരുൺ ജെയ്റ്റ്ലിക്ക് സ്നേഹ സന്ദേശവുമായി കോൺഗ്രസ് അധ്യക്ഷൻ രാഹുൽ ഗാന്ധി. 'ജെയ്റ്റ്ലിജിയുടെ രോഗവിവരം അസ്വസ്ഥനാക്കി. ആശയങ്ങളുടെ പേരിൽ ഞങ്ങൾ ദിവേസന പോരാടിയിരുന്നു. ഞാനും കോൺഗ്രസ് പാർട്ടിയും അദ്ദേഹം  അതിവേഗം സുഖംപ്രാപിക്കട്ടെയെന്ന് ആശംസിക്കുന്നു. പ്രയാസമേറിയ ഈ സമയത്ത് ഞങ്ങൾ നൂറുശതമാനവും നിങ്ങൾക്കും നിങ്ങളുടെ കുടുംബത്തിനുമൊപ്പമുണ്ട്‍'- ട്വിറ്ററിൽ രാഹുൽ കുറിച്ചു.