പ്രതീക് ദോഷി; നിര്‍മല സീതാരാമന്റെ മരുമകന്‍; പ്രധാനമന്ത്രിയുടെ ഓഫീസിലെ  ഉദ്യോഗസ്ഥന്‍

പ്രധാനമന്ത്രിയുടെ ഓഫീസിലെ സ്പെഷ്യല്‍ ഡ്യൂട്ടി ഉദ്യോഗസ്ഥനാണ് (ഓഫീസര്‍ ഓണ്‍ സ്പെഷ്യല്‍ ഡ്യൂട്ടി) ഗുജറാത്ത് സ്വദേശിയായ ദോഷി. മാത്രമല്ല പ്രധാനമന്ത്രിയുടെ അടുത്ത അനുയായികളിലൊരാളാണ് ഇദ്ദേഹമെന്നാണ് ചില റിപ്പോര്‍ട്ടുകള്‍ സൂചിപ്പിക്കുന്നത്. ഓഫീസില്‍ റിസര്‍ച്ച് ആന്റ് സ്ട്രാറ്റജി വിഭാഗം കൈകാര്യം ചെയ്യുന്നതും ദോഷിയാണ്. 2019 ജൂലൈയിലാണ് ദോഷിയെ ഉന്നതപദവിയിലേക്ക് നിയമിച്ചത്. 1,57,600 രൂപയാണ് ആണ് ദോഷിയുടെ അടിസ്ഥാന ശമ്പളമെന്നാണ് പ്രധാനമന്ത്രിയുടെ ഓഫീസ് നല്‍കുന്ന വിവരം.

സിംഗപ്പൂര്‍ മാനേജ്‌മെന്റ് സര്‍വ്വകലാശാലയില്‍ നിന്ന് ബിരുദം നേടിയയാളാണ് പ്രതീക് ദോഷി. അതേസമയം ഒരു മള്‍ട്ടിമീഡിയ ജേര്‍ണലിസ്റ്റാണ് പരകാല വാങ്മയി. ഡല്‍ഹി സര്‍വകലാശാലയില്‍ നിന്ന് ഇംഗ്ലീഷില്‍ ബിരുദം നേടിയ വാങ്മയി മെഡില്‍ സ്‌കൂള്‍ ഓഫ് ജേര്‍ണലിസത്തില്‍ നിന്നാണ് ബിരുദാനന്തര ബിരുദം പൂര്‍ത്തിയാക്കിയത്. നിലവില്‍ മിന്റ് ലോഞ്ചിലെ ലേഖികയാണ് പരകാല വാങ്മയി. മുമ്പ് ‘ദ ഹിന്ദു’വിലും പ്രവർത്തിച്ചിരുന്നു.