Operation Sindoor: ഇന്ത്യയുടെ തിരിച്ചടി എന്തുകൊണ്ട് 'ഓപ്പറേഷൻ സിന്ദൂർ' ആയി?

ഏപ്രിൽ 22നായിരുന്നു ഭീകരാക്രമണം. വിവാഹിതരായ പുരുഷന്മാരെ തിരഞ്ഞുപിടിച്ചാണ് ഭീകരർ അന്ന് കൊന്നൊടുക്കിയത്. ഇതുതന്നെയാണ് ആ നാമത്തിലൂടെയും പ്രതിധ്വനിക്കുന്നത്.സിന്ദൂർ അഥവാ സിന്ദൂരം പരമ്പരാഗതമായി വിവാഹിതരായ ഹിന്ദു സ്ത്രീകൾ വിവാഹിതരായതിനു ശേഷം നെറുകയിൽ ചാർത്തുന്നതാണ്. വിവാഹിതരായ പല സ്ത്രീകളും അന്ന് പഹൽ​ഗാമിന്റെ മണ്ണിൽ വിധവകളായി. ഇവരിൽ ചിലർ വളരെ അടുത്ത് വിവാഹം കഴിഞ്ഞവരായിരുന്നു. അവരുടെ ദുഃഖം അതിരില്ലാത്തതാണ്. ആ കണ്ണീരിന് മറുപടിയായാണ് ഈ തിരിച്ചടി. യുദ്ധത്തിന് പോകുന്ന യോദ്ധാക്കൾക്കും നെറ്റിയിൽ സിന്ദൂര തിലകം അണിയിക്കാറുണ്ട് . ഇതൊക്കെ കൊണ്ടാണ് ഓപ്പറേഷൻ സിന്ദൂർ എന്ന പേര് നൽകിയത്.