IPL 2020| ഒന്നല്ല, രണ്ടല്ല... ആറ് വ്യത്യസ്ത ബൗളിംഗ് ആക്ഷനിൽ ബുംറ; കാണാം 

ജസ്പ്രീസ് ബുംറയുടെ ബൗളിംഗ് ആക്ഷൻ വ്യത്യസ്തയുള്ളതാണെന്ന് എല്ലാവർക്കും അറിയാം. ഷോർട്ട് റൺ അപ്പും പന്ത് റിലീസാകുമ്പോൾ കൈയുടെ സ്ഥാനവുമൊക്കെയാണ് ബുംറയെ വ്യത്യസ്തനാക്കുന്നത്. അബുദാബിയിൽ നടക്കുന്ന ചെന്നൈ സൂപ്പർ കിംഗ്സിനെതിരായ ഐപിഎൽ ഉദ്ഘാടന മത്സരത്തിൽ മുംബൈ ഇന്ത്യൻസിന്റെ ഈ താരം അതിലുമേറെ വ്യത്യസ്തതകൾ കാത്തുവെച്ചിരിക്കുന്നുവെന്നാണ് സൂചന.

Also Read- IPL 2020 Full Schedule | ആദ്യ പോരാട്ടം മുംബൈയും ചെന്നൈയും തമ്മിൽ; ഐപിഎൽ മത്സരക്രമം പുറത്ത്

മുംബൈ ഇന്ത്യൻസ് പങ്കുവെച്ച പരിശീലന വീഡിയോയിൽ ആറു വ്യത്യസ്ത ബൗളിംഗ് ആക്ഷനുകളാണ് ബുംറ അനുകരിക്കുന്നത്. ഏതൊക്കെ താരങ്ങളുടെ ആക്ഷനാണ് ബുംറ അനുകരിക്കുന്നതെന്ന് വീഡിയോ കണ്ടിട്ട് പ്രേക്ഷകർക്ക് തന്നെ കണ്ടെത്താം.

വീഡിയോ കാണാം:

📹 Can you guess all 6️⃣ bowlers Boom is trying to imitate? 🤔

PS: Wait for the bonus round 😉 #OneFamily #MumbaiIndians #MI #Dream11IPL @Jaspritbumrah93 pic.twitter.com/RMBlzeI6Rw

— Mumbai Indians (@mipaltan) September 7, 2020

അഞ്ചുമാസത്തിന് ശേഷം ഇതാദ്യമായാണ് ബുംറ ഫീൽഡിൽ ഇറങ്ങുന്നത്. ഐപിഎൽ ലീഗിൽ മികച്ച പ്രകടനത്തിന് ഉടമയാണ് ഈ ഇന്ത്യൻ ബൗളർ. 2013ലായിരുന്നു അരങ്ങേറ്റം. ഇതുവരെ 84 വിക്കറ്റുകളാണ് ബുംറ സ്വന്തം പേരിനൊപ്പം ചേർത്തത്. ഐപിഎല്ലിലെ സൂപ്പർ പ്രകടനത്തെ തുടർന്നാണ് 2016ൽ ബുംറ ഇന്ത്യൻ ടീമിന്റെ ഭാഗമായത്.

Also Read- IPL 2020| ഹർഭജൻ സിങ്ങിന്റെ പിന്മാറ്റം ടീമംഗങ്ങൾക്ക് കോവിഡ് ബാധിച്ചതിനെ തുടർന്നോ? അല്ലെന്ന് സുഹൃത്ത്

അബുദാബിയിൽ സെപ്റ്റംബർ 19നാണ് ചെന്നൈ സൂപ്പർ കിംഗ്സ്- മുംബൈ ഇന്ത്യൻസ് ഉദ്ഘാടന മത്സരം. ആരാധകർ ഏറെനാളായി കാത്തിരുന്ന മത്സര ക്രമം ബിസിസിഐ ഞായറാഴ്ച പുറത്തുവിട്ടിരുന്നു.  2019 ഡിസംബറിൽ നടന്ന ഐ‌പി‌എൽ ലേലത്തിൽ നിന്ന്  ടീമുകൾ‌ നിരവധി മാറ്റങ്ങളിലൂടെ കടന്നുപോയെങ്കിലും മുംബൈ ഇന്ത്യൻസ് ടീമിൽ വലിയ മാറ്റങ്ങളൊന്നുമില്ല.