ഐപിഎൽ ടീമുകൾക്ക് ഹോം ഗ്രൗണ്ടിൽ മത്സരങ്ങളില്ലാത്തത് വിചിത്രം; പഞ്ചാബ്‌ കിംഗ്‌സ് ഉടമ പ്രീതി സിന്റ

ഐപിഎൽ ടീമുകൾക്ക് ഹോം ഗ്രൗണ്ടുകളിൽ മത്സരങ്ങളില്ലാത്തതും, കാണികൾ ഉണ്ടാവില്ല എന്നതും ഏറെ വിചിത്രമാണെന്ന് ബോളിവുഡ് താരവും പഞ്ചാബ് കിംഗ്സിന്റെ സഹഉടമയുമായ പീതി സിന്റ. മൈക്രോ ബ്ലോഗിംഗ് സൈറ്റായ ട്വിറ്ററിലാണ് താരം തന്റെ അഭിപ്രായം പങ്കു വെച്ചത്. “ ഐപിഎൽ സ്കെഡ്യൂൾ ഇതാ പുറത്തു വന്നിരിക്കുന്നു. പഞ്ചാബ് കിംഗ്സ് ഇത്തവണ മുംബൈയിൽ വെച്ചാണ് അരങ്ങേറ്റം കുറിക്കുക. പിന്നീട് ചെന്നൈയിലും അഹ്മദാബാദിലും ബൈങ്കളുരുവിലും വെച്ച് കളിക്കും. ടീമുകൾക്ക് സ്വന്തം ഗ്രൗണ്ടുകളിൽ വെച്ച് കളിക്കാ൯ കഴിയില്ല എന്നത് ഏറെ വിചിത്രമാണ്. ഗ്യാലറികളിയും ആളുകൾ ഇല്ല എന്നാണ് അറിയാ൯ സാധിക്കുന്നത്,” പ്രീതി സിന്റയുടെ ട്വീറ്റിങ്ങനെയാണ്.