ഫെയ്സ്ബുക്കിൽ എഴുതിയത് കവിതയെന്ന് വിനായകൻ; കേസെടുക്കാൻ വകുപ്പില്ലെന്ന് റിപ്പോർട്ട്

ചോദ്യം ചെയ്യലിനു ശേഷം വിനായകനെ വിട്ടയച്ചു. വിനായകനെതിരെ കേസെടുക്കാനുള്ള വകുപ്പില്ലെന്നാണ് വിവരം. ഫെയ്സ്ബുക്കിൽ കവിത എഴുതിയതാണെന്ന് വിനായകൻ പൊലീസിനു മൊഴി നൽകി.

ഇപ്പോൾ പ്രതികരണത്തിനില്ലെന്ന് പൊലീസ് സ്റ്റേഷനിൽനിന്ന് പുറത്തിറങ്ങിയ വിനായകൻ അറിയിച്ചു. വിനായകനെതിരെ യൂത്ത് കോൺഗ്രസ് ജില്ലാ പ്രസിഡന്റാണ് പരാതി നൽകിയിരിക്കുന്നത്, ഇതിന്റെ അടിസ്ഥാനത്തിലാണ് സൈബർ പൊലീസ് വിനായകനെ വിളിച്ചുവരുത്തിയത്.