GOOD NEWS: 'നാടിന്‍റെ ഉയർച്ചയ്ക്ക് അഭിമാനത്തോടെ ഞങ്ങളും'; ആദർശിന്‍റെ 'മണി ബോക്സ്' ഇനി എല്ലാ വിദ്യാലയങ്ങളിലും

തിരുവനന്തപുരം: ഒമ്പതാം ക്ലാസുകാരൻ ആദർശ് ആർ.എയുടെ ആശയം ഇനിമുതൽ സംസ്ഥാനത്തെ എല്ലാ സ്കൂളുകളിലും നടപ്പിൽ വരും. ഇതു സംബന്ധിച്ച് പൊതിവിദ്യാഭ്യാസ ഡയറക്ടർ സർക്കുലർ പുറപ്പെടുവിച്ചു. പുറ്റിങ്ങൽ വെടിക്കെട്ട് അപകടം മുതലായിരുന്നു മുഖ്യമന്ത്രിയുടെ ദുരിതാശ്വാസ നിധിയിലേക്ക് ആദർശ് പണമയച്ചു തുടങ്ങിയത്. എല്ലാ മാസവും 10 രൂപ വീതം മണിഓർഡർ ആയി മുഖ്യമന്ത്രിയുടെ ദുരിതാശ്വാസ നിധിയിലേക്ക് അയയ്ക്കുകയായിരുന്നു. വർഷങ്ങളായി കൃത്യമായി എല്ലാ മാസവും ദുരിതാശ്വാസ നിധിയിലേക്ക് പണം അയയ്ക്കുന്ന ആദർശിനെ മുഖ്യമന്ത്രി നേരിട്ടു വിളിച്ചു.