Kerala Local Body Election 2020 Result | കോൺഗ്രസ് പരസ്യമായി കാലുവാരി; വിമത സ്ഥാനാർത്ഥികളെ മുൻനിർത്തി തോൽപ്പിച്ചു: പി.ജെ ജോസഫ്

രണ്ടില ചിഹ്നം ജോസ് കെ മാണിക്ക് മേധാവിത്വം നൽകി. കോട്ടയം ജില്ലാ പഞ്ചായത്തിൽ യു ഡി എഫിന് മികച്ച പ്രകടനം കാഴ്ച വെയ്ക്കാൻ സാധിക്കാത്തതിന് കാരണം കോൺഗ്രസ് തന്നെയാണെന്നും പി ജെ ജോസഫ് ആരോപിച്ചു.ജോസ് വിഭാഗത്തിന്റെ മുന്നണി പ്രവേശം എൽ ഡി എഫിന് നേട്ടമുണ്ടാക്കിയെന്നും അദ്ദേഹം പറഞ്ഞു.

തൊടുപുഴ നഗരസഭയിൽ മത്സരിച്ച ഏഴിൽ അഞ്ചു സീറ്റുകളിൽ ജോസഫ് വിഭാഗം തോറ്റിരുന്നു. തങ്ങളാണ് യഥാർത്ഥ കേരള കോൺഗ്രസ് എന്ന ജോസ് കെ മാണിയുടെ വാദങ്ങൾക്ക് കരുത്ത് പകരുന്നതായിരുന്നു ഈ തോൽവികൾ. കേരള കോൺഗ്രസിനെ പുറത്താക്കിയവർക്കുള്ള മറുപടിയാണ് വിജയമെന്ന് ജോസ് കെ മാണി ഇന്ന് വ്യക്തമാക്കുകയും ചെയ്തിരുന്നു.