ആനപ്രേമികളെ കണ്ണീരിലാഴ്ത്തി ഒളരിക്കര കാളിദാസൻ ചരിഞ്ഞു
- Published by:Anuraj GR
- news18-malayalam
Last Updated:
37 വയസ്സുള്ള കാളിദാസന് ഞായറാഴ്ച കടവല്ലൂരിലെ കെട്ടുതറിയില് കുഴഞ്ഞുവീഴുകയായിരുന്നു
തൃശൂര്: പെരുമ്പിലാവ് ഒളരിക്കര ക്ഷേത്രത്തിന്റെ ആന കാളിദാസന് ചരിഞ്ഞു. 37 വയസ്സുള്ള കാളിദാസന് ഞായറാഴ്ച കടവല്ലൂരിലെ കെട്ടുതറിയില് കുഴഞ്ഞുവീഴുകയായിരുന്നു. ഹൃദയാഘാതമാണ് മരണ കാരണമെന്നാണ് വെറ്റിനറി ഡോക്ടർമാർ പറയുന്നത്.
ഞായറാഴ്ച അര്ദ്ധരാത്രിയോടെയാണ് ഒളരിക്കര കാളിദാസൻ കുഴഞ്ഞുവീണത്. രണ്ട് ദിവസമായി ആന അസുഖബാധിതനായിരുന്നു. അവശനായിരുന്ന ആന തീറ്റയെടുത്തിരുന്നില്ല. നീരിലായിരുന്ന കാളിദാസനെ കഴിഞ്ഞദിവസമാണ് അഴിച്ചത്. ക്ഷേത്രോത്സവങ്ങളിലെ നിറസാന്നിധ്യമായിരുന്നു കാളിദാസന് എന്ന ആന. ആനപ്രേമികൾക്ക് ഏറെ പ്രിയങ്കരനായിരുന്നു ഒളരിക്കര കാളിദാസൻ.
വിരിഞ്ഞ മസ്തകവും നിലത്തിഴയുന്ന തുമ്പിയും എപ്പോഴും വീശുന്ന ചെവികളും ഗാംഭീര്യമുള്ള കൊമ്പുകളുമൊക്കെയാണ് കാളിദാസനെ കൊമ്പൻമാർക്കിടയിൽ തലയെടുപ്പ് നൽകുന്നത്. ജൂനിയര് ശിവസുന്ദര് എന്ന വിശേഷണവും കാളിദാസനുണ്ട്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thrissur,Thrissur,Kerala
First Published :
Feb 28, 2023 12:08 PM IST
