HOME » NEWS » Kerala » ANIL AKKARA MLA AGAINST KPCC PRESIDENT MULLAPPALLY

'ഞാനും എഐസിസി അംഗം; മുല്ലപ്പള്ളിയ്ക്ക് ഫേസ്ബുക്കിൽ പ്രതികരിക്കാമെങ്കിൽ ഞങ്ങൾക്കുമാകാം': തുറന്നടിച്ച് അനിൽ അക്കര

'രമ്യ ഹരിദാസിന്റെ കാർ വിവാദത്തിൽ മുല്ലപ്പള്ളി സൈബർ സഖാക്കൾക്ക് ലൈക്കടിക്കുകയായിരുന്നു'

news18
Updated: July 23, 2019, 4:45 PM IST
'ഞാനും എഐസിസി അംഗം; മുല്ലപ്പള്ളിയ്ക്ക് ഫേസ്ബുക്കിൽ പ്രതികരിക്കാമെങ്കിൽ ഞങ്ങൾക്കുമാകാം': തുറന്നടിച്ച് അനിൽ അക്കര
അനിൽ അക്കര എംഎൽഎ
  • News18
  • Last Updated: July 23, 2019, 4:45 PM IST
  • Share this:
തൃശൂർ: കെപിസിസി അധ്യക്ഷൻ മുല്ലപ്പള്ളി രാമചന്ദ്രന് എതിരെ ആഞ്ഞടിച്ച് അനിൽ അക്കര എംഎൽഎ. തൃശൂർ ഡിസിസിക്ക് അധ്യക്ഷനില്ലാത്തിന് ഉത്തരവാദി കെപിസിസി അധ്യക്ഷനാണന്ന് അനിൽ അക്കര ഫേസ്‌ബുക്കിൽ കുറിച്ചു. രമ്യ ഹരിദാസിന്റെ കാർ വിവാദത്തിൽ മുല്ലപ്പള്ളി സൈബർ സഖാക്കൾക്ക് ലൈക്കടിക്കുകയായിരുന്നുവെന്ന് അനിൽ അക്കര കുറ്റപ്പെടുത്തി.

‌‌" തൃശ്ശൂർ ഡിസിസിക്ക് പ്രസിഡന്റില്ല ,
മാസങ്ങൾ കഴിഞ്ഞു....
ഒരു ചുമതലക്കാരെനെങ്കിലും വേണ്ടേ ?
ആ ഉത്തരവാദിത്വം ഏറ്റെടുക്കേണ്ടത്
കെപിസിസി പ്രസിഡന്റാണ്‌ .."- ഇതാണ് അനിൽ അക്കരയുടെ ഫേസ്ബുക്ക് പോസ്റ്റ്.

ഫേസ്‌ബുക്ക് പോസ്റ്റിട്ട അനിൽ അക്കര എംഎൽഎ തൊട്ടുപിന്നാലെ മാധ്യമങ്ങൾക്കു മുന്നിലും മുല്ലപ്പള്ളിക്കെതിരെ പൊട്ടിത്തെറിച്ചു. ഒരു പാവപ്പെട്ട ജനപ്രതിനിധിക്ക് വാഹനം വാങ്ങാൻ തീരുമാനിച്ചപ്പോൾ കെ പി സി സി അധ്യക്ഷൻ സൈബർ സഖാക്കൾക്ക് ലൈക്കടിച്ചത് ശരിയായില്ലെന്ന് അനിൽ അക്കര പറഞ്ഞു. മുല്ലപ്പള്ളി മാത്രമല്ല താനും എ ഐ സി സി അംഗമാണെന്നും അനിൽ അക്കര പറഞ്ഞു.

'മുല്ലപ്പള്ളിയ്ക്ക് ഫേസ്ബുക്കിൽ പരസ്യമായി പ്രതികരിക്കാമെങ്കിൽ ഞങ്ങൾക്കുമാകാം. എം.എൽ.എമാരെ കെ.പി.സി.സി യോഗത്തിന് ക്ഷണിക്കാറില്ല. ഡി.സി.സി പ്രസിഡന്റിനെ നിയമിക്കാത്തത് പാർട്ടിയെ തളർത്തി‌. മുല്ലപ്പള്ളിയെ പോലെ താനും എ.ഐ.സി.സി അംഗം. പ്രസിഡന്റ് ആണെന്ന വ്യത്യാസം മാത്രം'- അനിൽ അക്കര കൂട്ടിച്ചേർത്തു.

First published: July 23, 2019, 4:45 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories