NSS കരയോഗമന്ദിരത്തിനുനേരെ ആക്രമണം; സുകുമാരൻ നായരുടെ പേരിൽ റീത്ത് വെച്ചു

സുകുമാരൻ നായരുടെ പേരിൽ റീത്തും വച്ചിട്ടുണ്ട്. കഴിഞ്ഞ ദിവസം കോട്ടയത്തെ ചില കരയോഗമന്ദിരങ്ങൾക്കുനേരെയും ആക്രമണമുണ്ടായിരുന്നു.

എൻഎസ്എസിന്റെ നിലപാടുകളെ എതിർക്കുന്നവരാണ് ആക്രമണത്തിന് പിന്നിലെന്ന് എൻഎസ്എസും ബിജെപിയും ആരോപിച്ചു

അതേസമയം എൻഎസ്എസ് കരയോഗം ഓഫീസ് അക്രമിച്ച സംഭവത്തിന് പിന്നിൽ ആരെന്ന് വ്യക്തമായിട്ടില്ലെന്ന് പൊലീസ്. സംഭവത്തെ കുറിച്ച് വിശദമായ അന്വേഷണം തുടങ്ങിയതായും നേമം സിഐ കെ പ്രദീപ് അറിയിച്ചു.

ശബരിമല യുവതീപ്രവേശനത്തിൽ പ്രതിഷേധസൂചകമായാണ് സംസ്ഥാനത്തെ മുഴുവന്‍ എന്‍എസ്എസ് കരയോഗങ്ങളിലും വിശ്വാസ സംരക്ഷണ നാമജപയജ്ഞം സംഘടിപ്പിച്ചത്. കരയോഗങ്ങള്‍ കേന്ദ്രീകരിച്ച് നടന്ന നാമജപയജ്ഞത്തില്‍ സമുദായാംഗങ്ങളുടെ സജീവ പങ്കാളിത്തമുണ്ടായിരുന്നു. നായര്‍ സര്‍വ്വീസ് സൊസൈറ്റി 105-ാം ജന്മദിനം സംസ്ഥാന വ്യാപകമായി പതാകാദിനത്തിന്റെ ഭാഗമായിട്ടാണ് നാമജപം നടത്തിയത്.

ശബരിമല സ്ത്രീപ്രവേശനവിഷയവുമായി ബന്ധപ്പെട്ട് തുടക്കംമുതൽ പ്രതിഷേധവുമായി എൻ.എസ്.എസ് രംഗത്തുണ്ടായിരുന്നു.