കരിപ്പൂർ വഴി സ്വർണവും കുങ്കുമപ്പൂവും സിഗരറ്റും കടത്താൻ ശ്രമം; കാസർകോട് സ്വദേശി പിടിയിൽ

ദുബായിൽ നിന്ന് വന്ന ഫ്ലൈ ദുബായ്  FZ 8189 ലെ യാത്രക്കാരൻ ആണ് കബീർ. സ്വർണം മിശ്രിത രൂപത്തിൽ ഷൂസിന് ഉള്ളിൽ ഒളിപ്പിച്ച നിലയിൽ ആയിരുന്നു. കുങ്കുമപ്പൂവും സിഗരറ്റും ബാഗിലും. സ്വർണത്തിന് വിപണിയിൽ 11 ലക്ഷം രൂപ വരും. കുങ്കുമപ്പൂവിന് ഒരു ലക്ഷവും സിഗരറ്റിന് 20,000 രൂപയും മൂല്യം കണക്കാക്കുന്നു.

ഡെപ്യൂട്ടി കമ്മീഷണർ കിരൺ ടി എ, സൂപ്രണ്ടുമാരായ കെ പി മനോജ് , സുധീർ കെ, തോമസ് വർഗീസ് , ഇൻസ്പെക്ടർമാരായ മിനിമോൾ വിസി, പ്രേം പ്രകാശ്, യോഗേഷ്, സുമിത് നെഹ്ര,  ഹെഡ് ഹവിൽദാർ എം എൽ രവീന്ദ്രൻ എന്നിവർ ആണ് ഉദ്യോഗസ്ഥ സംഘത്തിലുണ്ടായിരുന്നത്.