സംസ്ഥാനത്ത് ഓട്ടോ- ടാക്സി നിരക്കുകൾ വർദ്ധിപ്പിച്ചേക്കും

സംസ്ഥാനത്ത് ഓട്ടോ-ടാക്സി നിരക്കുകളിൽ വർദ്ധവന് ഉണ്ടാകണമെന്നാണ് കമ്മീഷന്‍റെ നിലപാട്. അടിക്കടിയുണ്ടാകുന്ന ഇന്ധനവില വർദ്ധനവിന്‍റെ സാഹചര്യത്തിലാണ് ഇത്തരമൊരു ശുപാർശ കമ്മീഷൻ നൽകിയിരിക്കുന്നത്. ഓട്ടോയ്ക്ക് ഒന്നര കിലോമീറ്ററിന് മിനിമം ചാർജ് 20 രൂപയാണ്. ഇത് 30 രൂപയായി വർദ്ധിപ്പിക്കണമെന്നാണ് ശുപാർശയിൽ പറയുന്നത്. ഇതു കൂടാതെ, ഓരോ കിലോമീറ്ററിനും 12 രൂപ വെച്ച് നൽകണമെന്നാണ് പുതിയ

ശുപാർശ. നേരത്തെ, ഇത് 10 രൂപയായിരുന്നു.

ടാക്സി നിരക്കിൽ നിലവിൽ അഞ്ചു കിലോമീറ്റർ ഓടുന്നതിന് മിനിമം 150 രൂപയായിരുന്നു ചാർജ്. ഇത് 200 രൂപയായി വർദ്ധിപ്പിക്കണമെന്നാണ് നിർദ്ദേശം. അധികമായി വരുന്ന ഓരോ കിലോമീറ്ററിനും 15 രൂപ അധികമായി നൽകണമെന്നും ശുപാർശയിൽ ആവശ്യപ്പെടുന്നു. അതേസമയം, ഓൺലൈൻ ടാക്സികൾക്ക് നിരോധനം ഏർപ്പെടുത്തണമെന്നുള്ള മോട്ടോർ വാഹന തൊഴിലാളികളുടെ ആവശ്യം പ്രായോഗികമല്ലെന്നും കമ്മീഷൻ ശുപാർശയിൽ പറയുന്നു.