Bakrid 2020| ബലി പെരുന്നാള്: കണ്ടെയ്മെന്റ് സോണുകളില് കൂട്ടപ്രാര്ത്ഥനകളോ ബലി കര്മ്മങ്ങളോ പാടില്ല
- Published by:Rajesh V
- news18-malayalam
Last Updated:
കഴിഞ്ഞ 14 ദിവസത്തിനകം പനി തുടങ്ങിയ കോവിഡ് ലക്ഷണങ്ങള് ഉള്ളവരും ശ്വാസ സംബന്ധമായ അസുഖങ്ങള് ഉള്ളവരും യാതൊരു കാരണവശാലും കൂട്ട പ്രാര്ത്ഥനകളില് പങ്കെടുക്കാന് പാടില്ല.
കോവിഡ് വ്യാപന പശ്ചാത്തലത്തില് വിവിധ ജില്ലകളിൽ ബലി പെരുന്നാള് ആഘോഷങ്ങള്ക്ക് നിയന്ത്രണങ്ങള് ഏര്പ്പെടുത്തിയതായി ജില്ലാ കളക്ടര്മാർ അറിയിച്ചു. ബക്രീദ് ദിനത്തില് പരമാവധി 100 പേര്ക്കാണ് മുസ്ലിം പള്ളികളില് പ്രാര്ത്ഥന നടത്താന് അനുമതിയുള്ളതെന്ന് മുഖ്യമന്ത്രി പിണറായി വിജയന് കഴിഞ്ഞ ദിവസം വ്യക്തമാക്കിയിരുന്നു. നൂറു പേരെ ഉള്ക്കൊള്ളാന് പള്ളികളില് സ്ഥലം ഉണ്ടെങ്കില് മാത്രമേ അതിന് അനുമതി നല്കൂ. ചെറിയ പള്ളികളില് സ്ഥലസൗകര്യമനുസരിച്ച് കുറച്ചുപേര്ക്കു മാത്രമേ ആരാധന നടത്താന് അനുവാദം നല്കുകയുള്ളൂ മുഖ്യമന്ത്രി പറഞ്ഞു.
ജില്ലാ കളക്ടർമാർ പുറത്തിറക്കിയ മാർഗനിർദേശങ്ങൾ
- പള്ളികളില് സാമൂഹിക പ്രാര്ഥനകള്ക്ക് എത്തുന്നവരുടെ എണ്ണം പരമാവധി കുറയ്ക്കണം. മാര്ഗനിര്ദ്ദേശങ്ങളില് പറഞ്ഞ എണ്ണത്തേക്കാള് കൂടാന് പാടില്ല.
- കണ്ടെയ്മെന്റ് സോണുകളില് കൂട്ടപ്രാര്ത്ഥനകളോ ബലി കര്മ്മങ്ങളോ അനുവദിക്കില്ല.
- കണ്ടെയ്ന്മെന്റ് അല്ലാത്ത പ്രദേശങ്ങളില് ബലികര്മ്മങ്ങളില് പങ്കെടുക്കുന്നവര് സാമൂഹിക അകലം പാലിക്കുന്നത് ഉള്പ്പെടെയുള്ള കോവിഡ് മാനദണ്ഡങ്ങള് പാലിക്കണം.
- ബലി കര്മ്മങ്ങള് വീട്ടു പരിസരത്ത് മാത്രമെ നടത്താന് അനുവദിക്കുകയുള്ളു. അഞ്ച് പേരില് കൂടുതല് പാടില്ല.
- കണ്ടെയ്മെന്റ് സോണുകള് അല്ലാത്ത പ്രദേശങ്ങളില് മാത്രമെ മാംസ വിതരണം നടത്താന് പാടുള്ളൂ.
advertisement
TRENDING:Balabhaskar death|വയലിനിസ്റ്റ് ബാലഭാസ്കറിന്റെ മരണം; കേസ് സിബിഐ ഏറ്റെടുത്തു[NEWS]കോവിഡ് രോഗികൾക്ക് കിടക്കാം ഇനി 'ശയ്യ' യിൽ; ലക്ഷ്മി മേനോന്റെ പുതിയ ആശയത്തിന് പ്രിയമേറുന്നു[PHOTOS]Hajj 2020| ഹജ്ജ് കർമങ്ങൾക്ക് തുടക്കമായി; അറഫാ സംഗമം ഇന്ന്[PHOTOS]
advertisement
- ഹോം ഡെലിവറി മുഖേന മാംസം വീടുകളില് എത്തിച്ചു നല്കുന്നയാള് കൃത്യമായ രജിസ്റ്റര് സൂക്ഷിക്കുകയും എത്ര വീടുകളില് കയറി, എത്ര ആളുകളുമായി സമ്പര്ക്കം പുലര്ത്തി തുടങ്ങിയ വിവരങ്ങള് രേഖപ്പെടുത്തേണ്ടതുമാണ്.
- കഴിഞ്ഞ 14 ദിവസത്തിനകം പനി തുടങ്ങിയ കോവിഡ് ലക്ഷണങ്ങള് ഉള്ളവരും ശ്വാസ സംബന്ധമായ അസുഖങ്ങള് ഉള്ളവരും യാതൊരു കാരണവശാലും കൂട്ട പ്രാര്ത്ഥനകളില് പങ്കെടുക്കാന് പാടില്ല.
- നിരീക്ഷണത്തില് കഴിയുന്നവര് സ്വന്തം വീട്ടില് പോലും നടക്കുന്ന സാമൂഹിക പ്രാര്ത്ഥനകളിളോ ബലികര്മ്മങ്ങളിലോ പങ്കെടുക്കരുത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jul 30, 2020 1:53 PM IST
മലയാളം വാർത്തകൾ/ വാർത്ത/Kerala/
Bakrid 2020| ബലി പെരുന്നാള്: കണ്ടെയ്മെന്റ് സോണുകളില് കൂട്ടപ്രാര്ത്ഥനകളോ ബലി കര്മ്മങ്ങളോ പാടില്ല
