ഭാര്യക്കൊപ്പം ഉല്ലാസയാത്രക്കെത്തിയ യുവാവ് വർക്കലയിൽ ബീച്ചിൽ കുളിക്കവെ തിരയിൽപ്പെട്ട് മരിച്ചു
- Published by:Rajesh V
- news18-malayalam
Last Updated:
ഉച്ചയോടുകൂടി തിരികെ ബെംഗളൂരുവിലേക്ക് മടങ്ങാനുള്ള തയ്യാറെടുപ്പിലായിരുന്നു
തിരുവനന്തപുരം: വർക്കല ഓടയം ബീച്ചിൽ കുളിക്കാനിറങ്ങിയ യുവാവ് തിരയിൽപ്പെട്ട് മരിച്ചു. ബെംഗളൂരു സ്വദേശി സദാശിവ (34) ആണ് മരിച്ചത്. ഇന്ന് രാവിലെ 11 മണിയോടെയാണ് സംഭവം. ഭാര്യ സ്നേഹ സരസ്വതിയോടൊപ്പം ഉല്ലാസയാത്രയ്ക്കായി എത്തിയതായിരുന്നു.
രാവിലെ പ്രഭാത ഭക്ഷണത്തിന് ശേഷം ഓടയം ബീച്ചിൽ ഇവർ താമസിക്കുന്ന സ്വകാര്യ റിസോർട്ടിന് സമീപത്തെ ബീച്ചിൽ സദാശിവ കുളിക്കാനിറങ്ങുകയായിരുന്നു. തിരയിൽ അകപ്പെട്ട യുവാവിനെ നാട്ടുകാരും ലൈഫ് ഗാർഡും ചേർന്ന് കരയ്ക്കെത്തിച്ചു. വർക്കല ശ്രീനാരായണ മിഷൻ ഹോസ്പിറ്റലിൽ എത്തിച്ചെങ്കിലും മരണം സംഭവിക്കുകയായിരുന്നു.
മൃതദേഹം ആശുപത്രിയിലെ മോർച്ചറിയിലേക്ക് മാറ്റി. പോസ്റ്റുമോർട്ടം നടപടികൾ പാരിപ്പള്ളി മെഡിക്കൽ കോളജിൽ പൂർത്തികരിക്കുമെന്നു അയിരൂർ എസ് ഐ സജിത്ത് അറിയിച്ചു.
advertisement
ഇവർ വർക്കല എത്തിയിട്ട് 2 ദിവസമായെന്നാണ് വിവരം. ഇന്ന് ഉച്ചയോടുകൂടി തിരികെ ബെംഗളൂരുവിലേക്ക് മടങ്ങാനുള്ള തയ്യാറെടുപ്പിലായിരുന്നു എന്നാണ് റിസോർട്ട് അധികൃതർ പറയുന്നത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Varkala,Thiruvananthapuram,Kerala
First Published :
Feb 11, 2023 2:39 PM IST
മലയാളം വാർത്തകൾ/ വാർത്ത/Kerala/
ഭാര്യക്കൊപ്പം ഉല്ലാസയാത്രക്കെത്തിയ യുവാവ് വർക്കലയിൽ ബീച്ചിൽ കുളിക്കവെ തിരയിൽപ്പെട്ട് മരിച്ചു
