ബിഷപ്പിന് ലൈംഗികശേഷിയുണ്ടെന്ന് പരിശോധനാഫലം

ബിഷപ്പിനെ തെളിവെടുപ്പിനായി ജലന്ധറിലേക്ക് കൊണ്ടുപോകാനും അന്വേഷണ സംഘം തീരുമാനിച്ചു. ഇതിനായി ബിഷപ്പിനെ കസ്റ്റഡിയിൽ വാങ്ങും.

അതേസമയം,ബിഷപ്പ് ഫ്രാങ്കോ പാലാ സബ് ജയിലിലെ 5968 നമ്പർ തടവുപുള്ളിയായി മൂന്നാം നമ്പർ സെല്ലിലാണുള്ളത്. കഞ്ചാവ് മോഷണ കേസ് പ്രതികൾക്കൊപ്പമാണ് ബിഷപ്പ് കഴിയുന്നത് . ഫ്രാങ്കോ മുളയ്ക്കലിന് പ്രത്യേക ജയിൽ വസ്ത്രം നൽകിയില്ലെങ്കിലും ധരിച്ചിരുന്ന ബെൽറ്റ് ജയിൽ അധികൃതർ അഴിച്ചുവാങ്ങിയിരുന്നു. സി ക്ലാസ് സൗകര്യങ്ങളായതിനാൽ ബിഷപ്പിന് കട്ടിൽ ലഭിച്ചില്ല. നിലത്ത് പായ വിരിച്ചാണ് ബിഷപ്പ് ഉറങ്ങിയത്.

കേസില്‍ സെപ്റ്റംബര്‍ 19 ന് ബിഷപ്പിനെ അന്വേഷണ സംഘം ചോദ്യംചെയ്യലിനായി വിളിച്ചുവരുത്തിയിരുന്നു. തുടര്‍ന്ന് മൂന്നുദിവസം നീണ്ടുനിന്ന മാരത്തണ്‍ ചോദ്യം ചെയ്യലിന് ശേഷം 21 ന് അറസ്റ്റ് ചെയ്യുകയായിരുന്നു. തുടര്‍ന്ന് ഫ്രാങ്കോ മുളയ്ക്കല്‍ ജാമ്യം തേടി കോടതിയെ സമീപിച്ചെങ്കിലും വിചാരണക്കോടതി ജാമ്യാപേക്ഷ തള്ളുകയായിരുന്നു.