Kerala Local Body Election 2020 Result | തൃശൂരിൽ ബിജെപി നേതാവ് ബി. ഗോപാലകൃഷ്ണന് തോൽവി
- Published by:Rajesh V
- news18-malayalam
Last Updated:
ബിജെപിയുടെ സിറ്റിങ് സീറ്റിലാണ് പ്രമുഖ നേതാവിന് പരാജയമേറ്റുവാങ്ങേണ്ടിവന്നത്.
തൃശൂർ: തൃശൂർ കോർപറേഷൻ തെരഞ്ഞെടുപ്പിൽ ബിജെപിയുടെ മേയർ സ്ഥാനാർഥിയും ബിജെപി സംസ്ഥാന വക്താവുമായ ബി ഗോപാലകൃഷ്ണൻ പരാജയപ്പെട്ടു. ബിജെപിയുടെ സിറ്റിങ് സീറ്റായ കുട്ടൻകുളങ്ങര ഡിവിഷനിൽ നിന്നാണ് ഗോപാലകൃഷ്ണൻ പരാജയപ്പെട്ടത്. യുഡിഎഫ് സ്ഥാനാർഥി എ കെ സുരേഷ് ആണ് ഇവിടെ വിജയിച്ചത്. ഇരുന്നൂറിൽ അധികം വോട്ടുകൾക്കാണ് ഗോപാലകൃഷ്ണൻ പരാജയപ്പെട്ടത്. നിലവിൽ ആറു സീറ്റുകൾ മാത്രമുള്ള തൃശൂർ കോർപറേഷനിൽ വിജയം പ്രതീക്ഷിച്ചതാണ് ബി. ഗോപാലകൃഷ്ണൻ അടക്കമുള്ള പ്രമുഖരെ പാർട്ടി രംഗത്തിറക്കിയത്.
ഏറ്റവും കോർപറേഷനിലെ 28 വാർഡുകളിലെ ലീഡ് നില പുറത്തുവരുമ്പോൾ 12 ഇടത്ത് യുഡിഎഫും 15 ഇടത്ത് എൽഡിഎഫും നാലിടത്ത് ബിജെപിയും ലീഡ് ചെയ്യുന്നു.
കൊച്ചി കോർപറേഷൻ യുഡിഎഫ് മേയർ സ്ഥാനാർഥി എൻ.വേണുഗോപാൽ തോറ്റു. ഐലൻഡ് ഡിവിഷനിൽ ബിജെപി സ്ഥാനാർഥിയോട് ഒരു വോട്ടിനാണ് വേണുഗോപാൽ തോറ്റത്. ഇവിടെ യുഡിഎഫ് റീകൗണ്ടിങ് ആവശ്യപ്പെട്ടിട്ടുണ്ട്. തിരുവനന്തപുരത്തെ ഇടതുമുന്നണിയുടെ മേയർ സ്ഥാനാർഥി എ.ജി. ഒലീന പരാജയപ്പെട്ടു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Dec 16, 2020 10:54 AM IST
മലയാളം വാർത്തകൾ/ വാർത്ത/Kerala/
Kerala Local Body Election 2020 Result | തൃശൂരിൽ ബിജെപി നേതാവ് ബി. ഗോപാലകൃഷ്ണന് തോൽവി
