ചതി കൊടും ചതി ! വിദേശമദ്യമെന്ന പേരിൽ കട്ടൻ ചായ; ലിറ്ററിന് 900 രൂപ നൽകി വാങ്ങി കബളിപ്പിക്കപ്പെട്ട് യുവാക്കൾ

ആവശ്യപ്പെട്ടതനുസരിച്ച് 900 രൂപയും നൽകി മദ്യം വാങ്ങാനായി യുവാക്കൾ കാത്തു നിന്നു. പറഞ്ഞതു പോലെ പണം വാങ്ങിയവർ കുപ്പിയുമായി എത്തുകയും യുവാക്കൾക്ക് നൽകുകയും ചെയ്തു. ബാറില്‍ നേരത്തെ തന്നെ ഉണ്ടായിരുന്ന ആളുകൾ മദ്യം വാങ്ങി മടങ്ങുന്നത് കണ്ടതിനാൽ സംശയിക്കേണ്ട സാഹചര്യവും ഉണ്ടായിരുന്നില്ല.. കൗണ്ടർ അടച്ച് പോയതിനാൽ ജീവനക്കാർ കുപ്പി പുറത്തു കൊണ്ടു തരുകയാണെന്നാണ് ആ സമയം അവർ വിശ്വസിച്ച് പോയത്. കുപ്പി കിട്ടിയ സന്തോഷത്തിൽ മടങ്ങിയ യുവാക്കൾ അത് പൊട്ടിച്ചു കഴിഞ്ഞപ്പോഴാണ് 'ചതി' തിരിച്ചറിഞ്ഞത്. പറഞ്ഞ തുകയും കൊടുത്ത് കാത്തിരുന്ന് വാങ്ങിക്കൊണ്ടു വന്നത് കട്ടൻചായ !!!