വഴിയോര കച്ചവടക്കാര്‍ക്കുനേരെ തെറിവിളി; കണ്ണൂർ ചെറുപുഴയിലെ പൊലീസ് ഉദ്യോഗസ്ഥനെ സ്ഥലം മാറ്റി

റോഡരികില്‍ പെട്ടി ഓട്ടോയിലും മറ്റും പഴവര്‍ഗങ്ങള്‍ കച്ചവടം നടത്തിയവരെ ഒഴിപ്പിക്കാനെന്ന പേരില്‍ തെറിവിളിക്കുകയും ഭീഷണിപ്പെടുത്തുകയും ചെയ്തതിനാണ് നടപടി. വാഹനങ്ങളും സാധനങ്ങളും എടുത്തുമാറ്റാമെന്ന് കച്ചവടക്കാര്‍ പറയുന്നതും ഇതിനുപിന്നാലെ ഇന്‍സ്പെക്ടര്‍ തട്ടിക്കയറുന്നതും അസഭ്യം പറയുന്നതും ദൃശ്യങ്ങളിലുണ്ട്.

Also Read വീടിന് പുറത്തുനിന്ന 70കാരനെ വെടിവെച്ച് കൊന്നു; ബൈക്കിലെത്തിയ അജ്ഞാതർക്കായി തിരച്ചിൽ ഊർജിതമാക്കി പൊലീസ്

നവംബര്‍ 21ന് ചെറുപുഴ -ചിറ്റാരിക്കല്‍ പാലത്തിനോട് ചേര്‍ന്ന റോഡിലായിരുന്നു സി ഐയുടെ വിളയാട്ടം. അതേസമയം റോഡിൽ ഗതാഗത കുരുക്കുണ്ടാക്കിയ വഴിയോര കച്ചവടക്കാരെ ഒഴിപ്പിക്കുക മാത്രമാണ് ചെയ്തതെന്നാണ് സി.ഐ വിശദീകരിക്കുന്നത്. ഇപ്പോൾ സമൂഹമാധ്യമങ്ങളിൽ പ്രചരിക്കുന്ന വീഡിയോ എഡിറ്റ് ചെയ്തതാണെന്നാണ് സി.ഐയുടെ വാദം.