അമിത് ഷാക്ക് മറുപടി; ശബരിമലയിൽ ബുദ്ധിമുട്ട് ഭക്തർക്കല്ല, സംഘപരിവാറുകാർക്കെന്ന് മുഖ്യമന്ത്രി
Last Updated:
തിരുവനന്തപുരം: ശബരിമലയിൽ ഭക്തർക്കല്ല, അവിടെ കുഴപ്പങ്ങളുണ്ടാക്കാൻ ദുരുദ്ദേശപൂർവം ശ്രമിക്കുന്ന സംഘപരിവാറുകാർക്കാണ് ബുദ്ധിമുട്ടുള്ളതെന്ന് മുഖ്യമന്ത്രി പിണറായി വിജയൻ. ഫേസ്ബുക്കിൽ ബി.ജെ.പി ദേശീയ അധ്യക്ഷൻ അമിത് ഷാക്ക് നൽകിയ മറുപടിയിലാണ് മുഖ്യമന്ത്രി രൂക്ഷമായ വിമർശനം നടത്തുന്നത്. സംഘപരിവാറുകാരുടെ പ്രചരണത്താൽ തെറ്റിദ്ധരിക്കപ്പെട്ടതുകൊണ്ടാകാം അമിത് ഷാ വസ്തുതാരഹിതമായ കാര്യങ്ങൾ ഉൾപ്പെടുത്തി ട്വീറ്റ് ചെയ്തതെന്നും മുഖ്യമന്ത്രി കുറിച്ചു.
ഫേസ്ബുക്ക് പോസ്റ്റിന്റെ പൂർണരൂപം
ശബരിമലതീര്ത്ഥാടനം സംബന്ധിച്ച് അമിത് ഷാ തന്റെ ട്വീറ്റിലൂടെ പ്രകടിപ്പിച്ച അഭിപ്രായങ്ങള് തെറ്റിദ്ധാരണാജനകമാണ്. തീര്ത്ഥാടനം ഒരു വിഷമവും ഇല്ലാതെ അവിടെ നടക്കുന്നുണ്ട്. സ്ത്രീകളും കുട്ടികളും അടക്കമുള്ള തീര്ത്ഥാടകര്ക്ക് അവിടെ ഏതെങ്കിലും തരത്തിലുള്ള ബുദ്ധിമുട്ടുകള് ഉണ്ടാകുന്നില്ല. തീര്ത്ഥാടകരുടെ താത്പ്പര്യം മുന്നിര്ത്തി വേണ്ട ക്രമീകരണങ്ങള് അവിടെ വരുത്താന് ശ്രദ്ധിച്ചതു കൊണ്ടാണ് ഇത്.
advertisement
ബുദ്ധിമുട്ട് ഉണ്ടാകുന്നത് ഭക്തര്ക്ക് അല്ല, മറിച്ച് ശബരിമല കേന്ദ്രീകരിച്ച് കുഴപ്പങ്ങള് കുത്തിപ്പൊക്കാന് ദുരുദ്ദേശപൂര്വ്വം ശ്രമം നടത്തുന്ന സംഘപരിവാറുകാര്ക്കാണ്. അവരുടെ പ്രചാരണത്താല് തെറ്റിദ്ധരിക്കപ്പെട്ടതു കൊണ്ടാവാം അമിത് ഷാ വസ്തുതാരഹിതമായ കാര്യങ്ങള് ഉള്പ്പെടുത്തി ട്വീറ്റ് ചെയ്തത്. ശബരിമലയില് സര്ക്കാര് ചെയ്യുന്നത് സുപ്രീംകോടതി വിധി നടപ്പാക്കല് മാത്രമാണെന്നും ഇതല്ലാതെ കേന്ദ്രത്തിനോ സംസ്ഥാനത്തിനോ അവിടെ മറ്റൊന്നും ചെയ്യാനില്ലെന്നുമുള്ള കേന്ദ്രആഭ്യന്തരമന്ത്രി രാജ്നാഥ് സിംഗിന്റെ നിലപാടു തന്നെ അമിത് ഷായ്ക്കുള്ള മറുപടി ആകുന്നുണ്ട്. തീര്ത്ഥാടനവുമായി ബന്ധപ്പെട്ട് കാര്യമായ പ്രശ്നങ്ങള് ഏതുമില്ല എന്ന് മനുഷ്യാവകാശ കമ്മീഷന് വ്യക്തമാക്കിയിട്ടുള്ളതും ഓര്ക്കണം. തീര്ത്ഥാടകരും ശബരിമലയിലെ ക്രമീകരണങ്ങളിലും സൗകര്യങ്ങളിലും തൃപ്തി രേഖപ്പെടുത്തിയിട്ടുണ്ട്. ഈ പശ്ചാത്തലത്തില് അമിത് ഷായുടെ ട്വീറ്റ് തീര്ത്തും അപ്രസക്തവും അസംഗതവും ആകുന്നു.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Nov 20, 2018 8:06 PM IST
മലയാളം വാർത്തകൾ/ വാർത്ത/Kerala/
അമിത് ഷാക്ക് മറുപടി; ശബരിമലയിൽ ബുദ്ധിമുട്ട് ഭക്തർക്കല്ല, സംഘപരിവാറുകാർക്കെന്ന് മുഖ്യമന്ത്രി
