കൊല്ലത്ത് പ്രൈവറ്റ് ബസുകളുടെ മത്സരയോട്ടം; ​ഗർഭിണിയടക്കം മൂന്നു പേർക്ക് പരിക്ക്

രണ്ട് സ്വകാര്യ ബസുകളുടെ മരണപ്പാച്ചിൽ ശ്രദ്ധയിൽ‌പ്പെട്ടതോടെ നാട്ടുകാരാണ് ബസ് തടഞ്ഞത്. ഗർഭിണി ഉൾപ്പെടെ മൂന്ന് പേരാണ് വേ​ഗത്തിൽ പാഞ്ഞ ബസിനുള്ളിൽ വീണത്. ബസിന്റെ മത്സരയോട്ടത്തിൽ വീണ് പരിക്കേറ്റെന്ന് ആരോപിച്ച് യാത്രക്കാരും പ്രതിഷേധിച്ചു. പിന്നാലെ പൊലീസെത്തി ബസ് സ്റ്റേഷനിലേക്ക് മാറ്റി.

ഭരണിക്കാവ് ഭാ​ഗത്തേക്ക് പോകുന്ന രണ്ട് ബസുകൾ സമയത്തെ ചൊല്ലി തർക്കമായെന്നും മത്സരയോട്ടത്തിനിടെ ബസിനുള്ളിൽ ഉണ്ടായിരുന്നവർ തെറിച്ചുവീണെന്നുമാണ് യാത്രക്കാർ പറയുന്നത്. യാത്രക്കാർ ബഹളം വെച്ചതോടെ തടിച്ചുകൂടിയ നാട്ടുകാരാണ് സ്വകാര്യ ബസ് തടഞ്ഞുവച്ചത്. പൊലീസെത്തി ഇരു ബസിലെ ജീവനക്കാരെയും കസ്റ്റഡിയിലെടുത്തു.