കോൺഗ്രസിൽ തലമുറ മാറ്റം വേണം; മാറി നിൽക്കാൻ താൻ തയ്യാറാണ്: കെ മുരളീധരൻ

പുതിയ സർക്കാർ അധികാരത്തിൽ എത്തിയിട്ടും പ്രതിപക്ഷ നേതാവിനെ തെരഞ്ഞെടുക്കുന്ന കാര്യത്തിൽ കോൺഗ്രസ് പാർട്ടിയിൽ തർക്കം തുടരുകയാണ്. രമേശ് ചെന്നിതലയ്ക്കും, വി.ഡി.സതീഷനും വേണ്ടിയുള്ള തർക്കമാണ് കോൺഗ്രസിൽ തുടരുന്നത്. ഇതിനിടയിലാണ് നിലപാട് വ്യക്തമാക്കി കെ.മുരളീധരൻ രംഗത്ത് വന്നിരിക്കുന്നത്. തെരഞ്ഞെടുപ്പിൽ ഉണ്ടായ  പരാജയത്തെ കോൺഗ്രസ് പരാജയമായി തന്നെ കാണുന്നു. പക്ഷെ ഒരു പരാജയം ശാശ്വതമല്ല. പ്രതിസന്ധിയിൽ നിന്ന് കരകയറാൻ കൂട്ടായ പ്രവർത്തനമാണ് പാർട്ടിയിൽ ഉണ്ടാകേണ്ടത്. ഈ കാര്യത്തിൽ വികാരമല്ല വിവേകമാണ് വേണ്ടത്.