GOOD NEWS | പത്തനംതിട്ടയില്‍ കോവിഡ് സ്ഥിരീകരിച്ച ഇറ്റലിയിൽ നിന്നെത്തിയ കുടുംബം ഉൾപ്പെടെ 5 പേര്‍ ആശുപത്രി വിട്ടു
- Published by:Aneesh Anirudhan
- news18-malayalam
Last Updated:
കളക്ടറുടെ നിര്‍ദേശപ്രകാരം മധുരവും ഭക്ഷ്യസാമഗ്രികളും നല്‍കിയാണ് ഇവരെ യാത്രയാക്കിയത്.
പത്തനംതിട്ട: കോവിഡ് 19 രോഗം രാജ്യത്തെ ഭീതിയിലാക്കിയിരിക്കുന്നതിനിടെ പത്തനംതിട്ട ജില്ലയിൽ നിന്നും ശുഭ വാർത്ത. ഇറ്റലിയിൽ നിന്നെത്തിയ മൂന്നു പേരടക്കം ജില്ലയിൽ കോവിഡ് സ്ഥിരീകരിച്ച അഞ്ചുപേര്‍ ആശുപത്രി വിട്ടു. ഇന്നു ചേര്‍ന്ന മെഡിക്കല്‍ ബോര്‍ഡ് യോഗത്തിന് ശേഷമാണ് ഇവരെ ഡിസ്ചാർജ് ചെയ്യാൻ തീരുമാനിച്ചത്. പത്തനംതിട്ട ജില്ലാ ആസ്പത്രിയില്‍ നിന്നും ഇവരെ ആരോഗ്യവകുപ്പിന്റെ ആംബുലൻസിൽ വീട്ടിലെത്തിക്കും. കളക്ടറുടെ നിര്‍ദേശപ്രകാരം മധുരവും ഭക്ഷ്യസാമഗ്രികളും നല്‍കിയാണ് ഇവരെ യാത്രയാക്കിയത്.
You may also like:'ലണ്ടനിൽ അകപ്പെട്ടവരെ തിരിച്ചെത്തിക്കുമെന്നത് തെറ്റായ സന്ദേശം'; ക്ഷമ ചോദിച്ച് അൽഫോൻസ് കണ്ണന്താനം [NEWS]'പറക്കും ഹോസ്പിറ്റൽ'; ഇറ്റലിയിലെയും ഫ്രാൻസിലെയും കോവിഡ് ബാധിതർക്ക് ചികിത്സ സഹായവുമായി ജർമ്മനി [PHOTOS]കോവിഡ് ക്യാ ഹെ? വൈറസ് ഹെ; അതിഥി തൊഴിലാളികളെ ബോധവൽക്കകരിച്ച് ഹോം ഗാർഡ്; വീഡിയോ വൈറൽ [NEWS]
ഇറ്റലിയിൽ നിന്നെത്തിയ മൂന്നു പേർ ഉൾപ്പെടെ റാന്നി അയത്തല സ്വദേശികൾക്കാണ് രോഗം ഭേദമായത്. ആറാം തീയതി മുതലാണ് ഇവരെ ഐസൊലേറ്റ് ചെയ്തത്.
advertisement
ഇവരുടെ വീടും പരിസരവും ആരോഗ്യപ്രവര്‍ത്തകരും ഫയര്‍ ഫോഴ്സും ചേര്‍ന്ന് അണുവിമുക്തമാക്കിയിട്ടുണ്ട്. വീട്ടില്‍ എത്തിയാലും പതിനാല് ദിവസം ഇവര്‍ ക്വാറന്റൈനില്‍ കഴിയണം.
ഇറ്റലിയിൽ നിന്നും എത്തിയ ഇവര്‍ രോഗം പരത്താൻ ശ്രമിച്ചെന്ന പ്രചാരണം ഉണ്ടായ സാഹചര്യത്തിൽ അയൽവാസികളെയും ആരോഗ്യ വകുപ്പ് ബോധവത്ക്കരിച്ചിട്ടുണ്ട്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
March 30, 2020 5:22 PM IST
മലയാളം വാർത്തകൾ/ വാർത്ത/Kerala/
GOOD NEWS | പത്തനംതിട്ടയില്‍ കോവിഡ് സ്ഥിരീകരിച്ച ഇറ്റലിയിൽ നിന്നെത്തിയ കുടുംബം ഉൾപ്പെടെ 5 പേര്‍ ആശുപത്രി വിട്ടു
