'ലണ്ടനിൽ അകപ്പെട്ടവരെ തിരിച്ചെത്തിക്കുമെന്നത് തെറ്റായ സന്ദേശം'; ക്ഷമ ചോദിച്ച് അൽഫോൻസ് കണ്ണന്താനം

ഒരു ഉന്നത സര്‍ക്കാര്‍ ഉദ്യോഗസ്ഥന്‍ ഐഎഎസുകാരുടെ ഗ്രൂപ്പില്‍ ഇട്ട സന്ദേശം പലതവണ സ്ഥിരീകരിച്ച ശേഷമാണ്പങ്കുവച്ചത്. മറ്റു പല രാജ്യങ്ങളിൽ നിന്നും ഇന്ത്യക്കാരെ തിരികെ എത്തിക്കുന്ന സാഹചര്യത്തില്‍ ആ ഉദ്യോഗസ്ഥന്‍ നല്‍കിയ വിവരം ശരിയാണെന്ന  ധാരണയിലാണ് അങ്ങനെ ചെയ്തത്. എന്നാല്‍ അതു  തെറ്റാണെന്ന് മനസ്സിലായി. തെറ്റായ വിവരം നല്‍കി ലണ്ടനില്‍ കുടുങ്ങിക്കിടക്കുന്നവര്‍ക്ക് പ്രതീക്ഷ നൽകിയതിൽ ഖേദിക്കുകയാണെന്ന് കണ്ണന്താനം ഫേസ്ബുക്ക് പോസ്റ്റിൽ പറയുന്നു.

ഒരു മനുഷ്യനെന്ന നിലയിൽ തനിക്കു പറ്റിയ തെറ്റ് ക്ഷമിക്കണമെന്നും കണ്ണന്താനം ആവശ്യപ്പെടുന്നു.

നിർഭാഗ്യവശാൽ തന്റെ രണ്ടു മക്കളും കുടുംബവും കൊറോണ വൈറസ് ഏറ്റവുമധികം ബാധിച്ച നഗരങ്ങളില്‍ കുടങ്ങിക്കിടക്കുകയാണ്. അവരെയും തിരിച്ചെത്തിക്കാനാകില്ലെന്നും കണ്ണന്താനം പറയുന്നു.