അനധികൃത സ്വത്ത് സമ്പാദനം; CPI പത്തനംതിട്ട ജില്ലാ സെക്രട്ടറി എ പി ജയനെതിരെ പാർട്ടി അന്വേഷണം

തിരുവനന്തപുരം: അനധികൃത സ്വത്ത് സമ്പാദന ആരോപണത്തിൽ സിപിഐ പത്തനംതിട്ട ജില്ലാ സെക്രട്ടറി എ പി ജയനെതിരെ പാർട്ടി അന്വേഷണ കമ്മീഷനെ തീരുമാനിച്ചു. പ്രാഥമിക അന്വേഷണത്തിൽ ക്രമക്കേട് കണ്ടെത്തിയതോടെയാണ് വിശദമായ അന്വേഷണത്തിന് സംസ്ഥാന നിർവാഹക സമിതി യോഗം തീരുമാനിച്ചത്. കെ കെ അഷ്റഫ്, ആർ രാജേന്ദ്രൻ, സി കെ ശശിധരൻ, പി വസന്തം എന്നിവരാണ് കമ്മീഷൻ അംഗങ്ങൾ.

Also read-ഹോളോഗ്രാം ഒട്ടിക്കുന്നതിനിടെ ബിയർ കുപ്പി പൊട്ടി ചില്ല് കണ്ണില്‍ തറച്ചുകയറി തൊഴിലാളിക്ക് പരിക്ക്

പത്തനംതിട്ട ജില്ലാ പഞ്ചായത്ത് അംഗമായ ശ്രീനാദേവി കുഞ്ഞമ്മയാണ് നേരത്തെ ജയനെതിരെ പാർട്ടി നേതൃത്വത്തിന് പരാതി നൽകിയത്. ഇതിൽ  സംസ്ഥാന എക്സിക്യൂട്ടിവ് അംഗമായ കെ കെ അഷ്റഫ് പ്രാഥമിക അന്വേഷണം നടത്തിയിരുന്നു. അനധികൃത സ്വത്ത് സമ്പാദന പരാതിയിൽ കഴമ്പുണ്ടെന്ന് കണ്ടതിനെ തുടർന്നാണ് വിശദമായ അന്വേഷണത്തിന് സംസ്ഥാന നിർവാഹക സമിതി യോഗം തീരുമാനിച്ചത്. എ പി ജയൻ ചുരുങ്ങിയ കാലയളവിൽ കോടികളുടെ സ്വത്ത് സമ്പാദിച്ചു എന്നാണ് പരാതി.

Also read- കറുപ്പാണ് പ്രശ്നമെങ്കിൽ കറുപ്പ് ഉടുത്ത് പ്രതിഷേധം; യൂത്ത് കോൺഗ്രസ് ക്ലിഫ് ഹൗസ് മാർച്ചിൽ പോലീസുകാരനെ വളഞ്ഞിട്ട് മർദിച്ചു

അടൂരിൽ ഡയറി ഫാം ആരംഭിച്ചത് അനധികൃത സ്വത്ത് സമ്പാദനത്തിന്റെ ഭാഗമാണെന്നും പരാതിയിൽ പറയുന്നു. ജില്ലാ പഞ്ചായത്തിൽ സീറ്റ് നൽകുന്നതിനു മൂന്നു ലക്ഷം രൂപ ആവശ്യപ്പെട്ടതായും പരാതിയുണ്ട്. സെക്രട്ടറി സ്ഥാനത്ത്  ഇത് മൂന്നാം ടേം ആണ്ജയനു. കാനം വിരുദ്ധ പക്ഷത്തെ അറിയപ്പെടുന്ന നേതാവ് കൂടിയാണ് ജയൻ. ജില്ലാ പഞ്ചായത്ത് മുൻ വൈസ് പ്രസിഡന്റാണ്.