മന്ത്രി ജലീലിനൊപ്പം വേദി പങ്കിട്ടു; കോൺഗ്രസ് നേതാവിനോട് വിശദീകരണം തേടി

മന്ത്രി ജലീൽ പങ്കെടുക്കുന്ന ചടങ്ങുകള്‍ യു.ഡി.എഫ്. ബഹിഷ്കരിച്ചിരിക്കുകയാണ്. എന്നാല്‍ കഴിഞ്ഞ ദിവസം വലിയകുന്ന് കൊടുമുടിയില്‍  വീടിന്‍റെ താക്കോല്‍ദാന ചടങ്ങില്‍ മന്ത്രിക്കൊപ്പം വേദി പങ്കിട്ട യു.ഡി.എഫ് നേതാക്കള്‍ പ്രതിരോധത്തിലായി. ഇതേചടങ്ങിൽ പങ്കെടുക്കാനെത്തിയ മന്ത്രിയെ റോഡില്‍ വച്ച് യൂത്ത് ലീഗ് പ്രവര്‍ത്തകര്‍ കരിങ്കൊടിയും കാണിച്ചിരുന്നു. ചടങ്ങിന് ശേഷം മന്ത്രിയുടെ വാഹനത്തില്‍ കയറിയ ഡി.സി.സി ജന.സെക്രട്ടറി പി.സി.എ നൂറിന്‍റെ ചിത്രങ്ങള്‍ സമൂഹമാധ്യമങ്ങളില്‍ പ്രചരിക്കുകയും ചെയ്തു. ഇത് ചോദ്യം ചെയ്ത് യു.ഡി.എഫ്. പ്രവര്‍ത്തകർ രംഗത്തെത്തി. സംഭവം വിവാദമായതോടെ ഡി.സി.സി ജന.സെക്രട്ടറി പി.സി.എ നൂറിനോട് കോണ്‍ഗ്രസ്സ് മലപ്പുറം ജില്ലാ കമ്മറ്റി വിശദീകരണം തേടിയിരിക്കുകയാണ്.പി.സി.എ നൂറിനെതിരെ നടപടി ഉണ്ടാകുമെന്നാണ് സൂചനകൾ.