തെരുവുനായ കുറുകെ ചാടി മുച്ചക്ര സ്കൂട്ടർ മറിഞ്ഞ് അപകടം; കണ്ണൂരിൽ ഭിന്നശേഷിക്കാരി മരിച്ചു

വ്യാഴാഴ്ച രാവിലെ 11 ഓടെയാണ് അപകടം. വാഹനം സര്‍വീസ് ചെയ്യുന്നതിനായി ഹാജി റോഡ്–അയ്യപ്പൻകാവ് റോഡിലെത്തിയപ്പോഴായിരുന്നു സംഭവം. ഇറക്കത്തിൽവച്ച് തെരുവുനായ യുവതിയുടെ വാഹനത്തിനു കുറുകെ ചാടുകയായിരുന്നു. ഇതോടെ നിയന്ത്രണം വിട്ട് സമീപത്തെ കുഴിയിലേക്ക് മറിയുകയായിരുന്നു. അപകടത്തിൽ ഹെൽമറ്റ് തകർന്ന് സമീപത്തെ മരത്തിലും കല്ലിലും രമണിയുടെ തല ഇടിച്ചു. ഉടനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.