'അത് രമയുടെ എക്സ്റേ അല്ല' ഡോക്ടര്‍ സ്ഥിരീകരിച്ചു; പരാതിയുമായി മുന്നോട്ടെന്ന് കെ.കെ രമ

തിരുവനന്തപുരം: സമൂഹമാധ്യമങ്ങളില്‍ തന്‍റേത് എന്ന പേരില്‍ പ്രചരിക്കുന്ന എക്സ്റേയുടെ ചിത്രം വ്യാജമാണെന്ന് വടകര എംഎല്‍എ കെ.കെ രമ. ഡോക്ടര്‍ ഇക്കാര്യം സ്ഥിരീകരിച്ചിട്ടുണ്ട്.  കൈയുടെ ലിഗ്മെന്‍റിന് പരുക്കുണ്ടെന്നും ഒരാഴ്ച കൂടി പ്ലാസ്റ്റര്‍ ഇടണമെന്നും ഡോക്ടര്‍ നിര്‍ദേശം നല്‍കി. തുടർചികിത്സ സംബന്ധിച്ചു തീരുമാനിക്കുന്നതിന് അടുത്തദിവസം തന്നെ എം.ആർ.ഐ സ്കാൻ ചെയ്ത് ഡോക്ടറെ കാണാനും നിർദ്ദേശിച്ചിട്ടുണ്ടെന്ന് കെ.കെ രമ വ്യക്തമാക്കി.