ചാലയിൽ തീപിടിത്തം; ആളപായമില്ല

തിരുവനന്തപുരം: തലസ്ഥാനത്തെ ചാല മാർക്കറ്റിൽ തീപിടിത്തം. അട്ടക്കുളങ്ങര റോഡിലുള്ള ആക്രിക്കടക്കാണ് വ്യാഴാഴ്ച പുലർച്ചെ തീപിടിച്ചത്. വലിയതോതിലുള്ള നാശനഷ്ടമുണ്ടായെന്നാണ് റിപ്പോർട്ട്. അഗ്നിശമന സേനയുടെ അഞ്ച് യൂണിറ്റുകൾ മണിക്കൂറുകൾ നീണ്ട പരിശ്രമിച്ചാണ് തീ നിയന്ത്രണവിധേയമാക്കിയത്. തീപിടിച്ച കടയ്ക്ക് സമീപം കടകളും വീടുകളും ഉണ്ട്. ഇവിടേക്ക് തീ പടരാതിരിക്കാൻ മുൻകരുതൽ എടുത്തിട്ടുണ്ടെന്ന് ഫയർഫോഴ്സ് അധികൃതർ അറിയിച്ചു.