കൊല്ലത്ത് ചാളയും നെത്തോലിയും പൊള്ളൽ ചൂരയും മാത്രം; കാരണം മഴ പെയ്ത് കടൽ തണുക്കാത്തത്; മൽസ്യത്തൊഴിലാളികൾക്ക് നിരാശ

കൊല്ലം: സാധാരണഗതിയിൽ ട്രോളിങ് നിരോധനം ആരംഭിക്കുന്നതോടെ പരമ്പരാഗത വള്ളങ്ങളിൽ പോകുന്ന മൽസ്യത്തൊഴിലാളികൾക്ക് വിവിധതരം മൽസ്യങ്ങൾ ലഭിക്കാറുണ്ട്. എന്നാൽ ഇത്തവണ കൊല്ലത്തെ മൽസ്യത്തൊഴിലാളികൾ നിരാശയിലാണ്. ട്രോളിങ് നിരോധനം ആരംഭിച്ചിട്ടും അവരുടെ വലയിൽ കുടുങ്ങുന്നത് ചാളയും നെത്തോലിയും പൊള്ളൽ ചൂരയും(ചെറിയ ചൂര) മാത്രമാണ്. ശക്തമായി മഴ പെയ്ത് കടലിലെ ജലം തണുക്കാത്തതാണ് വിവിധതരം മൽസ്യങ്ങൾ ലഭിക്കാൻ തടസമാകുന്നതെന്ന് കൊല്ലത്തെ മൽസ്യത്തൊഴിലാളികൾ പറയുന്നു. ഇപ്പോൾ കിട്ടുന്നതും വളരെ കുറഞ്ഞ അളവിൽ മാത്രമാണെന്നും അവർ പറയുന്നു.