രാമനാട്ടുകര അപകടത്തിന് കാരണം അമിത വേഗതയെന്ന് പൊലീസ്; മരിച്ച അഞ്ച് പേരും മദ്യപിച്ചിരുന്നതായി കണ്ടെത്തൽ

കോഴിക്കോട്: രാമനാട്ടുകരയിൽ അഞ്ച് പേരുടെ മരണത്തിന് കാരണമായത് കള്ളക്കടത്ത് സ്വർണത്തിനു വേണ്ടി പാഞ്ഞുണ്ടായ അമിത വേഗത മൂലമാണെന്ന് പൊലീസ് കണ്ടെത്തൽ. മോട്ടോർ വാഹന വകുപ്പും അമിത വേഗതയാണ് അപകട കാരണമെന്ന്  കണ്ടെത്തിയിട്ടുള്ളത്. കൊടുവള്ളി സ്വദേശികളായ സ്വർണ കടത്ത് സംഘത്തിന് പിന്നാലെ  ചെർപ്പുളശ്ശേരി സ്വദേശികളായ അപകടത്തിൽപ്പെട്ട അഞ്ചംഗ സംഘം കരിപ്പൂർ എയർപോർട്ടിൽ നിന്നും അപകടം നടന്ന പുലർച്ചെ പിന്തുടർന്നു.