25 മുതല് 27 വരെ സംസ്ഥാനത്ത് ട്രെയിന് ഗതാഗതത്തിന് നിയന്ത്രണം; ജനശതാബ്ദി ഉള്പ്പെടെ നാല് ട്രെയിനുകള് പൂര്ണമായും റദ്ദാക്കി
- Published by:Vishnupriya S
- news18-malayalam
Last Updated:
പുതുക്കാട്, തൃശൂര് സ്റ്റേഷനുകളിലെ നിര്മാണ പ്രവര്ത്തനങ്ങളുടെ പശ്ചാത്തലത്തിലാണ് നിയന്ത്രണം
തിരുവനന്തപുരം: പുതുക്കാട്, തൃശൂര് സ്റ്റേഷനുകളിലെ നിര്മാണ പ്രവര്ത്തനങ്ങളുടെ പശ്ചാത്തലത്തില് 25 മുതല് 27 വരെ ട്രെയിന് ഗതാഗതത്തിന് നിയന്ത്രണം ഏര്പ്പെടുത്തിയതായി റെയില്വേ അറിയിച്ചു. ജനശതാബ്ദി ഉള്പ്പെടെ നാല് ട്രെയിനുകള് പൂര്ണമായും മൂന്ന് ട്രെയിനുകള് ഭാഗികമായും റദ്ദാക്കി. 26ന് സര്വീസ് നടത്തേണ്ട തിരുവനന്തപുരം- കണ്ണൂര് ജനശതാബ്ദി (12082), എറണാകുളം- ഷൊര്ണൂര് മെമു (06018), എറണാകുളം- ഗുരുവായൂര് (06448), 27ന് സര്വീസ് നടത്തേണ്ട കണ്ണൂര്- തിരുവനന്തപുരം ജനശതാബ്ദി (12081) എന്നീ ട്രെയിനുകളാണ് പൂര്ണമായും റദ്ദാക്കിയത്.
25നുള്ള ചെന്നൈ സെന്ട്രല്, 26ലെ കണ്ണൂര്- എറണാകുളം (16306) ട്രെയിനുകള് തൃശൂരില് സര്വീസ് അവസാനിപ്പിക്കും. തിരുവനന്തപുരം- ചൈന്നൈ സെന്ട്രല് (12624) 26ന് തൃശൂരില് നിന്ന് സര്വീസ് ആരംഭിക്കും. കന്യാകുമാരി- ബാംഗളൂര് (16525) 26ന് രണ്ട് മണിക്കൂര് വൈകി ഉച്ചയ്ക്ക് 12.10ന് മാത്രമേ സര്വീസ് ആരംഭിക്കൂ. രാജസ്ഥാനിലെ കോട്ട ഡിവിഷനില് നടക്കുന്ന റെയില്വേ നിര്മാണ പ്രവര്ത്തനങ്ങളുടെ പശ്ചാത്തലത്തില് ആറ് ട്രെയിനുകള് റദ്ദാക്കിയതായും റെയില്വേ അറിയിച്ചു.
advertisement
എറണാകുളം- ഹസ്രത് നിസാമുദ്ദീന് (22655) 22നും ഹസ്രത് നിസാമുദ്ദീന്- എറണാകുളം (22656) 24നും തിരുവനന്തപുരം- ഹസ്രത് നിസാമുദ്ദീന് (22633) 22നും ഹസ്രത് നിസാമുദ്ദീന്- തിരുവനന്തപുരം (22634) 24നും തിരുവനന്തപുരം- ഹസ്രത് നിസാമുദ്ദീന് (22653) 25നും ഹസ്രത് നിസാമുദ്ദീന്- തിരുവനന്തപുരം (22654) 27നും സര്വീസ് നടത്തില്ല.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Feb 19, 2023 9:52 AM IST
മലയാളം വാർത്തകൾ/ വാർത്ത/Kerala/
25 മുതല് 27 വരെ സംസ്ഥാനത്ത് ട്രെയിന് ഗതാഗതത്തിന് നിയന്ത്രണം; ജനശതാബ്ദി ഉള്പ്പെടെ നാല് ട്രെയിനുകള് പൂര്ണമായും റദ്ദാക്കി
