നിതിൻ ചന്ദ്രന്റെ സ്വപ്നങ്ങൾക്ക് നിറം ചാർത്തി; രക്തം ദാനം ചെയ്ത് സുഹൃത്തുക്കൾ

നിപാ കാലത്ത് രക്തം ദാനം ചെയ്യാൻ ആളുകൾ മടിച്ചപ്പോൾ തുടങ്ങിയ സംഘടനയാണ് എമർജൻസി ബ്ളഡ് ഡൊണേർസ് ടീം. ഈ സംഘത്തിന്റെ സ്ഥാപകരിൽ ഒരാളായായിരുന്നു നിതിൻ ചന്ദ്രൻ.

News18 Malayalam | news18-malayalam
Updated: June 13, 2020, 2:05 PM IST
നിതിൻ ചന്ദ്രന്റെ സ്വപ്നങ്ങൾക്ക് നിറം ചാർത്തി; രക്തം ദാനം ചെയ്ത് സുഹൃത്തുക്കൾ
നിതിൻ ചന്ദ്രൻ
  • Share this:
കോഴിക്കോട്: ദുബായിൽ മരിച്ച പേരാമ്പ്ര സ്വദേശി നിതിൻ ചന്ദ്രന്റെ സ്മരണയ്ക്കായി രക്തം ദാനം ചെയ്ത് കൂട്ടുകാർ. 'നിതിന്റെ സ്വപ്നങ്ങൾക്ക് ഞങ്ങൾ  നിറംചാർത്തുന്നു' എന്ന സന്ദേശവുമായാണ് പേരാമ്പ്രയിലെ നിതിന്റെ സുഹൃത്തുക്കൾ പുറപ്പെട്ടത്.

രണ്ട് ബസുകളിൽ കോഴിക്കോടെത്തിയ നിതിന്റെ കൂട്ടുകാർ മെഡിക്കൽ കോളജ് ആശുപത്രിയിലും കോട്ടപ്പറമ്പ് ആശുപത്രിയിലും രക്തം ദാനം ചെയ്തു. പേരാമ്പ്ര മുയിപ്പോത്തെ നിതിന്റെ ഓർമ്മകളുറങ്ങുന്ന വീട്ടിൽ നിന്ന് അച്ഛൻ രാമചന്ദ്രൻ യാത്ര ഫ്ലാഗ് ഓഫ് ചെയ്തു.

TRENDING:COVID 19 | രോഗവ്യാപനം തടയാൻ സാമൂഹിക അകലത്തേക്കാൾ ഫലപ്രദം മാസ്ക്: പഠനം[NEWS]കൊല്ലത്ത് ആറാം ക്ലാസ് വിദ്യാർത്ഥിനി വീടിനുള്ളിൽ തൂങ്ങിമരിച്ച നിലയിൽ; ദുരൂഹതയെന്ന് അമ്മ [PHOTOS]ചേരയ്ക്കെന്ത് ക്വറന്റീൻ? ക്വറന്റീനിൽ കഴിയുന്ന വീട്ടിൽ പാമ്പ് കേറിയാലും പണി ഹെൽത്തിന് [NEWS]

നിപാ കാലത്ത് രക്തം ദാനം ചെയ്യാൻ ആളുകൾ മടിച്ചപ്പോൾ തുടങ്ങിയ സംഘടനയാണ് എമർജൻസി ബ്ളഡ് ഡൊണേർസ് ടീം. ഈ സംഘത്തിന്റെ സ്ഥാപകരിൽ ഒരാളായായിരുന്നു നിതിൻ ചന്ദ്രൻ. കോവിഡ് കാലത്തും രക്തവാഹിനി എന്നപേരിൽ സജീവമായിരുന്നു ഇവർ.

മരണത്തിന്റെ തലേനാൾ വരെ നിതിൻ വിദേശത്ത് നിന്ന് രക്ത വാഹിനിയുടെ പ്രവർത്തനങ്ങൾ ഏകോപിപ്പിച്ചു. നിതിന്റെ മുൻകൈയിൽ ഇങ്ങനെ  നാല് ബസുകൾ  കോഴിക്കോട്ടെത്തിയിരുന്നു. നിതിന്റെ ഓർമകളാണ് മുന്നോട്ടുള്ള യാത്രയിൽ ഊർജമെന്ന് രക്തവാഹിനി കോർഡിനേറ്റർ അഭിനന്ദ് പറഞ്ഞു.

First published: June 13, 2020, 2:05 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading