COVID 19 | 'സംസ്ഥാനത്ത് മരണനിരക്ക് പിടിച്ചു നിർത്താനായത് ആസൂത്രിതമായ പ്രവർത്തനം കൊണ്ട്'; ആരോഗ്യമന്ത്രി കെ.കെ ശൈലജ ടീച്ചർ

തിരുവനന്തപുരം: സംസ്ഥാനത്ത് കോവിഡ് രോഗികളുടെ എണ്ണത്തിൽ വർദ്ധനവ് ഉണ്ടായിട്ടും മരണനിരക്ക് പിടിച്ചുനിർത്താൻ കഴിഞ്ഞെന്ന് ആരോഗ്യമന്ത്രി കെ.കെ ശൈലജ ടീച്ചർ. മാധ്യമങ്ങളോട് പ്രതികരിക്കവേയാണ് ശൈലജ ടീച്ചർ ഇങ്ങനെ പറഞ്ഞത്. വൻതോതിലുള്ള വർദ്ധന രോഗികളുടെ എണ്ണത്തിൽ ഉണ്ടാകുമെന്നായിരുന്നു പ്രതീക്ഷിച്ചിരുന്നതെന്നും എന്നാൽ പ്രതീക്ഷിച്ചത്ര വന്നിട്ടില്ലെന്നും ആരോഗ്യമന്ത്രി പറഞ്ഞു. അതേസമയം, ജാഗ്രത കൈവിടരുതെന്നും ശൈലജ മാധ്യമങ്ങളോട് പറഞ്ഞു.