കോഴിക്കോട് ജില്ലയില് ഉഷ്ണ തരംഗ സാധ്യത: മുന്നറിയിപ്പുമായി കാലാവസ്ഥാവകുപ്പ്
- Published by:Asha Sulfiker
- news18-malayalam
Last Updated:
പ്രായമായവര്, ഗര്ഭിണികള്, കുട്ടികള്, മറ്റ് രോഗങ്ങള് മൂലമുള്ള അവശത അനുഭവിക്കുന്നവര് തുടങ്ങിയ വിഭാഗങ്ങള് പകല് 11 മണി മുതല് 3 മണി വരെ നേരിട്ട് സൂര്യപ്രകാശം ഏല്ക്കാതെയിരിക്കാന് പ്രത്യേകം ശ്രദ്ധിക്കണം
കോഴിക്കോട് ജില്ലയില് നാളെയും മറ്റന്നാളും (ഏപ്രില് 3,4) ഉഷ്ണതരംഗത്തിന് സാധ്യതയുണ്ടെന്ന് മുന്നറിയിപ്പ്. സാധാരണ താപനിലയെക്കാള് 3മുതൽ 4 ഡിഗ്രി സെല്ഷ്യസും ചിലപ്പോൾ അതിലധികവും ഉയരാന് സാധ്യത ഉള്ളതായാണ് കേന്ദ്ര കാലാവസ്ഥ വകുപ്പിന്റെ അറിയിപ്പ്. ചൂട് വര്ധിക്കുന്നത് മൂലം സൂര്യാതപം, സൂര്യാഘാതം തുടങ്ങി ഗുരുതരമായ ആരോഗ്യ പ്രശ്നങ്ങള്ക്ക് സാധ്യതയുണ്ട്. പൊതുജനങ്ങള് വീടുകളില് തന്നെ കഴിയണമെന്നും ചൂട് കൂടിയ സമയങ്ങളില് കൂടുതല് നേരം സൂര്യ രശ്മികളുമായി സമ്പര്ക്കത്തില് ഏര്പ്പെടരുതെന്നും ജില്ലാ കലക്ടര് അറിയിച്ചു.
You may also like:കൊറോണ പോരാട്ടത്തിൽ BCG വാക്സിൻ നിർണായകമെന്ന് US ശാസ്ത്രജ്ഞർ; ഇന്ത്യയ്ക്ക് പ്രതീക്ഷ നൽകുന്ന കണ്ടെത്തൽ [PHOTO]COVID 19| നായ്ക്കളെയും പൂച്ചകളെയും കഴിക്കുന്നത് നിരോധിച്ച് ചൈനീസ് നഗരം [NEWS]വാട്സാപ്പും ടിക് ടോക്കുമല്ല, ലോക്ക്ഡൗൺ കാലത്ത് ഇന്ത്യയിൽ ഏറ്റവും അധികം ഡൗൺലോഡ് ചെയ്ത ആപ്പ് [NEWS]
ജില്ലയില് ചൂട് വര്ധിക്കുന്നതിന്റെ പശ്ചാത്തലത്തില് ദുരന്ത നിവാരണ അതോറിറ്റി പൊതുജനങ്ങള്ക്കായി പുറപ്പെടുവിക്കുന്ന പ്രത്യേക മുന്കരുതല് കര്ശനമായി പാലിക്കണം. ധാരാളമായി വെള്ളം കുടിക്കുകയും എപ്പോഴും ഒരു ചെറിയ കുപ്പിയില് വെള്ളം കയ്യില് കരുതുകയും ചെയ്യേണ്ടതാണ്. അത് വഴി നിര്ജ്ജലീകരണം ഒഴിവാക്കാന് സാധിക്കും.
advertisement
അയഞ്ഞ, ലൈറ്റ് കളര്, കട്ടി കുറഞ്ഞ പരുത്തി വസ്ത്രങ്ങള് ധരിക്കുക. പ്രായമായവര്, ഗര്ഭിണികള്, കുട്ടികള്, മറ്റ് രോഗങ്ങള് മൂലമുള്ള അവശത അനുഭവിക്കുന്നവര് തുടങ്ങിയ വിഭാഗങ്ങള് പകല് 11 മണി മുതല് 3 മണി വരെ നേരിട്ട് സൂര്യപ്രകാശം ഏല്ക്കാതെയിരിക്കാന് പ്രത്യേകം ശ്രദ്ധിക്കണം. ഇത്തരം വിഭാഗങ്ങള്ക്ക് എളുപ്പത്തില് സൂര്യാഘാതം ഏല്ക്കാനുള്ള സാധ്യതയുള്ളതിനാല് ഇവരുടെ കാര്യത്തില് പ്രത്യേകശ്രദ്ധ പുലര്ത്തണം. വളര്ത്തു മൃഗങ്ങള്ക്ക് തണല് ഉറപ്പു വരുത്താനും പക്ഷികള്ക്കും മൃഗങ്ങള്ക്കും വെള്ളം ലഭ്യമാക്കാനും ശ്രദ്ധിക്കണം.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 03, 2020 6:09 AM IST
മലയാളം വാർത്തകൾ/ വാർത്ത/Kerala/
കോഴിക്കോട് ജില്ലയില് ഉഷ്ണ തരംഗ സാധ്യത: മുന്നറിയിപ്പുമായി കാലാവസ്ഥാവകുപ്പ്
