നിങ്ങളുടെ നഗരം തിരഞ്ഞെടുക്കുക

    Kerala Rain LIVE: അടുത്ത പത്ത് മണിക്കൂർ നിർണായകം; അതിതീവ്ര ചുഴലിക്കാറ്റിന് സാധ്യത

    ലക്ഷദ്വീപിൽ അടുത്ത മണിക്കൂറുകളിൽ കാറ്റ് ആഞ്ഞടിക്കുമെന്ന് കാലാവസ്ഥാ കേന്ദ്രം. കേരളത്തിലും കനത്ത മഴയും കടൽക്ഷോഭവും തുടരുകയാണ്...

  • News18
  • | October 31, 2019, 18:06 IST
    facebookTwitterLinkedin
    LAST UPDATED 2 YEARS AGO

    AUTO-REFRESH

    19:4 (IST)

    മഴക്കെടുതിയിൽ ഒരാൾ മരിച്ചു.


    കണ്ണൂരാണ് ഒരാൾ മരിച്ചത്. കണ്ണൂരിൽ നാലു പേർക്ക് പരുക്കേറ്റു. 
    കൂടുതൽ ദുരിതാശ്വാസ ക്യാമ്പുകൾ തുറന്നു. 

    11 ക്യാമ്പുകളിലായി 1087 പേരെ മാറ്റിപ്പാർപ്പിച്ചു.

    18 വീടുകൾ പൂർണമായും
    120 എണ്ണം ഭാഗികമായും തകർന്നു.

    18:5 (IST)

    മഹാ ചുഴലിക്കാറ്റിനെ തുടർന്നും കണ്ണൂരിലും കടൽ പ്രക്ഷുബ്ധമായി. മത്സ്യ ബന്ധനത്തിന് പോയ 5 ബോട്ടുകൾ ഇനിയും തിരിച്ചെത്തിയിട്ടില്ല. ആയിക്കരയിൽ നിന്നും തലശേരിയിൽ നിന്നും കടലിൽ പോയ ബോട്ടുകളാണ് തിരിച്ചെത്താനുള്ളത്. 

    17:10 (IST)

    അടുത്ത 10 മണിക്കൂർ നിർണായകം

    മഹ ചുഴലിക്കാറ്റിന്റെ ആശങ്കയൊഴിയാതെ ലക്ഷദ്വീപും കേരളവും. അടുത്ത പത്ത് മണിക്കൂറിനുള്ളിൽ മഹ  അതി തീവ്ര ചുഴലിക്കാറ്റായി മാറിയേക്കും.  ലക്ഷദ്വീപിൽ അടുത്ത മണിക്കൂറുകളിൽ കാറ്റ് ആഞ്ഞടിക്കുമെന്ന് കാലാവസ്ഥാ കേന്ദ്രം. കേരളത്തിലും കനത്ത മഴയും കടൽക്ഷോഭവും തുടരുകയാണ്. വടക്കൻ ജില്ലകളിൽ മണിക്കൂറിൽ 60 കി.മീ വേഗത്തിൽ വരെ കാറ്റ് ആഞ്ഞ് വീശാനും സാധ്യതയുണ്ട്

    17:9 (IST)

    മഴ ശക്തമായതോടെ ചിമ്മിനി ഡാമിന്റെ ഷട്ടറുകള്‍ വീണ്ടും ഉയര്‍ത്തി. ഡാമിന്റെ നാല് ഷട്ടറുകളും ഒരിഞ്ച് വീതമാണ് ഉയര്‍ത്തിയത്.

    14:38 (IST)

    വടകരയിൽ നിന്നും മത്സ്യം പിടിക്കാൻ പോയ 6 തൊഴിലാളികൾ കടലിൽ കുടുങ്ങിയതായി സൂചന .ഇന്ന് രാവിലെ മുതൽ ഇവരെ സംബന്ധിച്ച് വിവരമൊന്നും ലഭ്യമല്ല. കാലത്ത് വരെ ഇവർ വയർലെസ് വഴി കരയിലേക്ക് വിളിച്ചിരുന്നു. കടൽ പ്രക്ഷുബ്ദമായതിനാൽ ഇവർക്ക് കരയിലേക്ക് മടങ്ങാൻ കഴിയാത്ത സാഹചര്യമായിരുന്നു വടകരയിൽ നിന്നും അഴിത്തലയിൽ നിന്നും പോയ തൗഫീഖ്, മിലാൻ എന്നീ ചെറിയ വള്ളങ്ങളാണ്  കാണാതായത്. മൂന്ന് പേർ വീതമാണ് ഇരു വള്ളങ്ങളിലുമുണ്ടായിരുന്നത്.

    14:33 (IST)

    കടലാക്രമണവും വെള്ളക്കെട്ടും മൂലം വൈപ്പിൻ മേഖലയിൽ നിന്നും നിരവധി പേരെ ദുരിതാശ്വാസ ക്യാമ്പുകളിലേക്ക് മാറ്റി. രണ്ടു ക്യാമ്പുകളിലായി കൊച്ചി താലൂക്കിൽ 600 ഓളം പേർ നിലവിലുണ്ട്. ആവശ്യമെങ്കിൽ കൂടുതൽ ക്യാമ്പുകൾ തുറക്കുമെന്ന് ജില്ലാ ഭരണകൂടം അറിയിച്ചു.

    13:35 (IST)

    ലക്ഷദ്വീപിൽ വൻ ചുഴലിക്കാറ്റ്

    അഞ്ച് മത്സ്യ ബന്ധന ബോട്ടുകൾ കുടുങ്ങിക്കിടക്കുന്നു

    മലയാളികൾ ഉൾപ്പെടെ നാൽപ്പതോളം മത്സ്യത്തൊഴിലാളികൾ കുടുങ്ങി

    കൽപ്പനിയിൽ ചുഴലിക്കാറ്റ് വീശുന്നു

    തിരുവനന്തപുരം: മഹ ചുഴലിക്കാറ്റിന്റെ ആശങ്കയൊഴിയാതെ ലക്ഷദ്വീപും കേരളവും. അടുത്ത പത്ത് മണിക്കൂറിനുള്ളിൽ മഹ അതി തീവ്ര ചുഴലിക്കാറ്റായി മാറിയേക്കും. ലക്ഷദ്വീപിൽ അടുത്ത മണിക്കൂറുകളിൽ കാറ്റ് ആഞ്ഞടിക്കുമെന്ന് കാലാവസ്ഥാ കേന്ദ്രം. കേരളത്തിലും കനത്ത മഴയും കടൽക്ഷോഭവും തുടരുകയാണ്. വടക്കൻ ജില്ലകളിൽ മണിക്കൂറിൽ 60 കി.മീ വേഗത്തിൽ വരെ കാറ്റ് ആഞ്ഞ് വീശാനും സാധ്യതയുണ്ട്.

    തത്സമയ വിവരങ്ങൾ ചുവടെ...
    )}