ആലപ്പുഴ-ചങ്ങനാശേരി റോഡില്‍ ടിപ്പര്‍ ലോറിയിടിച്ച് വീട്ടമ്മയ്ക്ക് ദാരുണാന്ത്യം; ഡ്രൈവര്‍ അറസ്റ്റില്‍
- Published by:Arun krishna
- news18-malayalam
Last Updated:
സ്കൂട്ടറിന്റെ പിന്നിലിരുന്ന മകൻ പരിക്കേൽക്കാതെ രക്ഷപ്പെട്ടിരുന്നു
ആലപ്പുഴ -ചങ്ങനാശേരി റോഡില്‍ ടിപ്പര്‍ ലോറിയിടിച്ച് സ്കൂട്ടര്‍ യാത്രക്കാരിയായ വീട്ടമ്മ മരിച്ച സംഭവത്തില്‍ ഡ്രൈവര്‍ അറസ്റ്റില്‍. എസി റോഡില്‍ പൂവം രണ്ടാം പാലത്തിന് സമീപം രാവിലെ 9.30 യോടെയായിരുന്നു അപകടം. വെളിയനാട് കുന്നങ്കരി അഭിനിവാസിൽ അജിതയാണ് മരിച്ചത്. സംഭവത്തില്‍ ലോറി ഡ്രൈവറായ തിരുവല്ല പെരുന്തുരുത്തി വാഴപ്പറമ്പിൽ വീട്ടിൽ എസ്. സുജിത്തിനെ പോലീസ് അറസ്റ്റ് ചെയ്തു.
തയ്യൽ തൊഴിലാളിയായ അജിത മകൻ അഭിജിത്തിനൊപ്പം ചങ്ങനാശ്ശേരിയിലേക്ക് പോകവെയായിരുന്നു അപകടം.സ്കൂട്ടറിന്റെ പിന്നിലിരുന്ന മകൻ പരിക്കേൽക്കാതെ രക്ഷപ്പെട്ടിരുന്നു. തുടര്‍ന്ന് ചങ്ങനാശ്ശേരി പോലീസ് സ്ഥലത്ത് എത്തുകയും എസ്.എച്ച്. ഓ റിച്ചാർഡ് വർഗീസിന്റെ നേതൃത്വത്തിലുള്ള പോലീസ് സംഘം ഡ്രൈവറെ അറസ്റ്റ് ചെയ്യുകയുമായിരുന്നു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
December 03, 2022 9:46 PM IST
മലയാളം വാർത്തകൾ/ വാർത്ത/Kerala/
ആലപ്പുഴ-ചങ്ങനാശേരി റോഡില്‍ ടിപ്പര്‍ ലോറിയിടിച്ച് വീട്ടമ്മയ്ക്ക് ദാരുണാന്ത്യം; ഡ്രൈവര്‍ അറസ്റ്റില്‍
