Idukki Dam | ഇടുക്കി ഡാം ചൊവ്വാഴ്ച രാവിലെ തുറക്കും; സമീപവാസികള്ക്ക് ജാഗ്രത നിര്ദേശം നല്കി
- Published by:Jayesh Krishnan
- news18-malayalam
Last Updated:
ഇടുക്കി അണക്കെട്ടില് ഇന്ന് വൈകിട്ട് ആറുമണിക്ക് റെഡ് അലര്ട്ട് പ്രഖ്യാപിക്കും.
തൊടുപുഴ: ഇടുക്കി ഡാം(Idukki Dam) തുറക്കാന് തീരുമാനം. ചൊവ്വാഴ്ച രാവിലെ 11 മണിയ്ക്ക് ഇടുക്കി ഡാം തുറക്കുമെന്ന് മന്ത്രി റോഷി അഗസ്റ്റിന് അറിയിച്ചു. അണക്കെട്ടിന്റെ സമീപവാസികള്ക്ക് ജില്ലാഭരണകൂടം ജാഗ്രത നിര്ദേശം നല്കിയിട്ടുണ്ട്. ഇടുക്കി അണക്കെട്ടില് ഇന്ന് വൈകിട്ട് ആറുമണിക്ക് റെഡ് അലര്ട്ട് പ്രഖ്യാപിക്കും.രാവിലെ അപ്പര് റൂള് ലെവല് ആയ 2398.86 അടിയില് ജലനിരപ്പ് എത്തും.
ചൊവ്വാഴ്ച രാവിലെ ഇടുക്കി ഡാം(ചെറുതോണി) തുറക്കുന്നതിനാല് പൊതുജനങ്ങളും അധികാരികളും ജാഗ്രത പാലിക്കണമെന്ന് ഇടുക്കി ജില്ലാ കലക്ടര് അറിയിച്ചു.
അതേസമയം വരും ദിവസങ്ങളിലെ മഴയും കൂടി കണക്കിലെടുത്ത് കക്കി ഡാം തുറന്നു. ഷോളയാറില് നിന്ന് കൂടുതല് വെള്ളമെത്തുന്നതിനാല് ചാലക്കുടിയില് ജാഗ്രത നിര്ദേശം പുറപ്പെടുവിച്ചു.
പറമ്പിക്കുളത്ത് നിന്നും 6000 ഘനയടി വെള്ളവും ഷോളയാറില് നിന്ന് 3500 ഘനയടി വെള്ളവുമാണ് ഒഴുക്കുന്നത്. വൈകീട്ട് 4 നും 6 നും ഇടയില് ചാലക്കുടി പുഴയില് വെള്ളം ഉയരുമെന്നാണ് നിലവില് കണക്കാക്കുന്നത്. ചാലക്കുടി പുഴയുടെ തീരപ്രദേശങ്ങളി ലുള്ളവര് അതീവ ജാഗ്രത പാലിക്കണമെന്ന് കളക്ടര് അറിയിച്ചു. ഉടന് ക്യാമ്പുകളിലേക്കോ ബന്ധുവീടുകളിലേക്കോ മാറണമെന്നാണ് നിര്ദ്ദേശം.
advertisement
അതേസമയം ഇടമലയാര് അണക്കെട്ടിന്റെ രണ്ട് ഷട്ടറുകള് നാളെ തുറക്കും. രാവിലെ ആറു മണി മുതല് ഷട്ടര് പരമാവധി 80 സെന്റിമീറ്റര് വീതം ഉയര്ത്തുക. പെരിയാറിന്റെ തീരത്തുള്ളവര് ജാഗ്രത പാലിക്കണമെന്ന് ജില്ലാ ഭരണകൂടം അറിയിച്ചിട്ടുണ്ട്.
കനത്ത മഴയെ തുടര്ന്ന് ചിമ്മിനി ഡാമിന്റെ ഷട്ടര് 10 സെ. മീറ്ററില് നിന്ന് 13 സെ. മീറ്ററായി ഉയര്ത്തി. ഡാമിലെ വെള്ളം ഒഴുകിയെത്തുന്ന താഴ്ന്ന പ്രദേശങ്ങളിലെ ജനങ്ങള് അതീവ ജാഗ്രത പുലര്ത്തണമെന്ന് അധികൃതര് നിര്ദ്ദേശിച്ചു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Oct 18, 2021 5:31 PM IST
മലയാളം വാർത്തകൾ/ വാർത്ത/Kerala/
Idukki Dam | ഇടുക്കി ഡാം ചൊവ്വാഴ്ച രാവിലെ തുറക്കും; സമീപവാസികള്ക്ക് ജാഗ്രത നിര്ദേശം നല്കി
