'ഒരു മുസ്ലിം സംഘടനയുമായും എനിക്ക് ബന്ധമില്ല'; മുഖ്യമന്ത്രിക്ക് മറുപടിയുമായി ജസ്റ്റിസ് കെമാൽ പാഷ 

കൊച്ചി. പൗരത്വ ഭേദഗതി നിയമവുമായി ബന്ധപ്പെട്ട് മുഖ്യമന്ത്രി നടത്തിയ വിമർശനത്തിന് മറുപടിയുമായി ജസ്റ്റിസ് കെമാൽ പാഷ. തന്നെ വിമർശിക്കുമ്പോൾ മുഖ്യമന്ത്രി അല്പം കൂടി ഉത്തരവാദിത്തം പുലർത്തണമായിരുന്നു. കാര്യങ്ങൾ മനസിലാക്കാതെയാണ് വിമർശനം നടത്തുന്നത്. തന്റെ പേര് പരാമർശിച്ചില്ലെങ്കിലും ആളെ തൊട്ടു കാണിക്കുന്നത് പോലെയായിരുന്നു. മറ്റാരാണെങ്കിലും  മറുപടി പറയില്ലായിരുന്നു. മുഖ്യമന്ത്രി ആയതു കൊണ്ടുമാത്രമാണ് പ്രതികരിക്കുന്നതെന്നു കെമാൽ പാഷ പറഞ്ഞു.