അയ്യപ്പജ്യോതിയും വനിതാമതിലും ഒരു പോലെയെന്ന് കെ മുരളീധരൻ

തിരുവനന്തപുരം: അയ്യപ്പജ്യോതിയെയും വനിതാമതിലിനെയും ഒരേപോലെ കാണുന്നുവെന്ന് കോൺഗ്രസ് നേതാവ് കെ മുരളീധരൻ. ശബരിമലയിൽ ഭക്തർ കുറഞ്ഞത് ഭയം കാരണമാണെന്നും മുരളീധരൻ ആരോപിച്ചു. നിരോധനാജ്ഞ പിൻവലിച്ചാൽ ശാന്തമായ അന്തരീക്ഷമാണെന്ന സന്ദേശം ജനങ്ങൾക്ക് നല്കാൻ കഴിയുമെന്നും കെ മുരളീധരൻ പറഞ്ഞു.

അയ്യപ്പജ്യോതിയും വനിതാമതിലും ഒരു പോലെയാണ്. ഒരു വിഭാഗം കപടഭക്തിയുടെ പേരിലും മറ്റൊരു വിഭാഗം വിശ്വാസത്തിന് എതിരെയുമാണ് മതിൽ തീർക്കുന്നത്. വർഗീയ മതിലാണ് സർക്കാർ ഉയർത്തുന്നത്. സാമുദായികസംഘടനകളെ ആർ എസ് എസ്‌ ആക്കാൻ മുഖ്യമന്ത്രി ശ്രമിക്കുകയാണെന്നും അദ്ദേഹം പറഞ്ഞു. നവോത്ഥാനത്തെയും വർഗീയവല്കരിക്കുകയാണെന്നും കെ മുരളീധരൻ ആരോപിച്ചു

പുനലൂരിൽ യുവാവിനെ സദാചാര ഗുണ്ടകൾ ആക്രമിച്ചു