തദ്ദേശ സ്ഥാപനങ്ങളിൽ 25 വർഷം പൂർത്തിയാക്കിയവർക്ക് സ്നേഹാദരവ് നൽകി ജില്ലാ ആസൂത്രണ സമിതി

തദ്ദേശസ്ഥാപനങ്ങളിൽ ജനപ്രതിനിധിയായി 25 വർഷം പൂർത്തിയാക്കിയവർക്ക് ജില്ലാ ആസൂത്രണ സമിതിയുടെ നേതൃത്വത്തിൽ സ്നേഹാദരവ് നൽകി. ജനഹൃദയങ്ങളിൽ ഇടം നേടാൻ കഴിഞ്ഞതുകൊണ്ടാണ് ഇത്രയും കാലം തുടർച്ചയായി ജനപ്രതിനിധിയായി തുടരാൻ കഴിയുന്നത് എന്ന് ചടങ്ങ് ഉദ്ഘാടനം ചെയ്ത് ജില്ലാ പഞ്ചായത്ത് പ്രസിഡൻ്റ് മാനോജ് മൂത്തേടൻ പറഞ്ഞു. ഇത്രയും കാലം ജനപ്രതിനിധിയായി തുടരുക എന്നത് ചെറിയകാര്യമല്ല. ഇവരുടെ സമർപ്പണ ബോധത്തെ മാതൃകയാക്കണം. കഴിഞ്ഞ അഞ്ചുവർഷമായി കക്ഷി രാഷ്ട്രീയഭേദമില്ലാതെ ഏറെ ഒത്തൊരുമയോടെയാണ് ജില്ലാ ആസൂത്രണ സമിതി പ്രവർത്തിച്ചതെന്നും അദ്ദേഹം കൂട്ടിച്ചേർത്തു.