വിത്തൂട്ട് പദ്ധതി; മനുഷ്യ - വന്യജീവി സംഘർഷ ലഘൂകരണത്തിൻ്റെ ഭാഗമായി അങ്കമാലിയിൽ

മനുഷ്യ-വന്യജീവി സംഘർഷം ലഘൂകരിക്കുന്നതിനായി വന്യമൃഗങ്ങൾ വനത്തിന് പുറത്തേക്ക് പ്രവേശിക്കുന്നത് തടയുക എന്ന ലക്ഷ്യത്തോടെ വനംവകുപ്പ് നടപ്പിലാക്കുന്ന പദ്ധതിയാണ് വീത്തൂട്ട്. പദ്ധതിയുടെ ഉദ്ഘാടനം ഒലിവേലിച്ചിറയിൽ റോജി എം. ജോൺ എം. എൽ. എ. നിർവ്വഹിച്ചു. വാഴച്ചാൽ ഡിഎഫ്ഒ സുരേഷ് ബാബു ഐ.എസ്. അദ്ധ്യക്ഷത വഹിച്ചു. ഒലിവേലിച്ചിറ വനംസംരക്ഷണസമിതി അംഗങ്ങൾ, ചുള്ളി സെൻ്റ് ജോർജ്ജ് ഹൈസ്‌കൂൾ വിദ്യാർത്ഥികൾ എന്നിവരുടെ സഹകരണത്തോടെയാണ് പദ്ധതി നടപ്പാക്കുന്നത്. വനത്തിനകത്ത് തന്നെ വന്യജീവികൾക്ക് ഭക്ഷണവും വെള്ളവും ലഭ്യമാക്കുകയാണ് ലക്ഷ്യം. വനാന്തർഭാഗങ്ങളിൽ പ്ലാവ്, മാവ്, ആഞ്ഞിലി, ഞാവൽ തുടങ്ങിയ ഫലവൃക്ഷ വിത്തുകൾ വിതച്ച് വളർത്തുകയാണ് വീത്തൂട്ട് പദ്ധതിയിൽ ഉദ്ദേശിക്കുന്നത്. ചുള്ളി സെൻ്റ് ജോർജ്ജ് ഹൈസ്കൂളിലെ കുട്ടികളുമായി റോജി എം. ജോൺ എംഎൽഎയും ഡിഎഫ്ഒയും സംവദിച്ചു.