'സിപിഎമ്മിന്റെ അശ്ലീല സെക്രട്ടറി, കാണിക്കുന്നത് സ്ഥാനത്തിന്റെ നിലവാരം'; എം.വി.ഗോവിന്ദനെതിരെ കെ. സുധാകരൻ
- Published by:Rajesh V
- news18-malayalam
Last Updated:
''ഇരിക്കുന്ന സ്ഥാനത്തിന്റെ മാന്യതയെങ്കിലും കാണിക്കണമെന്ന് താങ്കളോട് പറയണമെന്നുണ്ട്. പക്ഷേ ഒന്നോര്ത്താല് ആ സ്ഥാനത്തിന്റെ നിലവാരം തന്നെയാണ് താങ്കള് ഇപ്പോള് കാണിക്കുന്നതും''
കണ്ണൂര്: പോക്സോ കേസില് തനിക്കെതിരെ ഗുരുതര ആരോപണമുന്നയിച്ച സിപിഎം സംസ്ഥാന സെക്രട്ടറി എം.വി. ഗോവിന്ദനെ ‘അശ്ലീല സെക്രട്ടറി’യെന്ന് വിശേഷിപ്പിച്ച് കെപിസിസി പ്രസിഡന്റ് കെ സുധാകരന്. ഇരിക്കുന്ന സ്ഥാനത്തിന്റെ മാന്യതയെങ്കിലും കാണിക്കണമെന്ന് പറയണമെന്നുണ്ട്. ഒന്നോര്ത്താല് ആ സ്ഥാനത്തിന്റെ നിലവാരം തന്നെയാണ് താങ്കള് ഇപ്പോള് കാണിക്കുന്നതെന്നും കെ സുധാകരന് പരിഹസിച്ചു. സിപിഎമ്മിന്റെ അശ്ലീല പാര്ട്ടി സെക്രട്ടറിയോട് എന്ന തലക്കെട്ടില് ഫേസ്ബുക്കില് പങ്കുവെച്ച കുറിപ്പിലാണ് രൂക്ഷപ്രതികരണം.
കുറിപ്പിന്റെ പൂർണരൂപം
സി.പി.എമ്മിന്റെ ‘അശ്ലീല’ സെക്രട്ടറിയോടാണ്…
ഇരിക്കുന്ന സ്ഥാനത്തിന്റെ മാന്യതയെങ്കിലും കാണിക്കണമെന്ന് താങ്കളോട് പറയണമെന്നുണ്ട്. പക്ഷേ ഒന്നോര്ത്താല് ആ സ്ഥാനത്തിന്റെ നിലവാരം തന്നെയാണ് താങ്കള് ഇപ്പോള് കാണിക്കുന്നതും!
ആന്തൂരിലെ സാജനെ ‘കൊന്ന’ ശേഷം, അയാളുടെ ഭാര്യക്ക് അവിഹിത ബന്ധമുണ്ടെന്ന് ആരോപിച്ച ശ്യാമളയുടെ ഭര്ത്താവിനോട് ‘മാന്യത’ കാണിക്കണമെന്ന് പറയുന്നത് ഒരല്പം കടന്ന കൈയ്യാണ്. എന്നാലും, ഞരമ്പ് രോഗികളായ കമ്മ്യൂണിസ്റ്റ് അടിമകള് മാത്രമല്ല, ‘മാന്യമായി’ ജീവിക്കുന്ന ബാക്കിയുള്ള ജനങ്ങളും താങ്കളെ കേള്ക്കുന്നുണ്ടെന്ന് വെറുതെയെങ്കിലുമൊക്കെ ഓര്ക്കുക.’
advertisement
തലച്ചോറില് അശ്ലീലം നിറച്ചൊരു ‘തനി’ ദേശാഭിമാനി ലേഖകനായി ഇത്ര പെട്ടെന്ന് താങ്കള് അധഃപതിക്കുമെന്ന് ഞാന് വിചാരിച്ചിരുന്നില്ല. എന്താണ് ഗോവിന്ദന്? ഇതാണോ രാഷ്ട്രീയം? അല്പമെങ്കിലും സംസ്കാരത്തോടെ രാഷ്ട്രീയ ആരോപണങ്ങള് ഉന്നയിക്കാന് നിങ്ങള്ക്കും സിപിഎമ്മിനും നാളിതുവരെയും കഴിയാതെ പോകുന്നത് എന്തുകൊണ്ടാണ്?
advertisement
നാട്ടിലെ മുഴുവന് മാധ്യമങ്ങളെയും വിരട്ടി, ജനങ്ങളുടെ മുന്നിലൊരു കോമാളി പരിവേഷത്തില് സ്വയം നില്ക്കുമ്പോള്, ഇത്ര വേഗം അടുത്ത വിഡ്ഢിത്തവുമായി ഇറങ്ങണമായിരുന്നോ? വിദൂഷക വേഷത്തില് കണ്വീനര് സ്ഥാനത്തിരിക്കുന്ന ആളോട് മത്സരിക്കാനാണോ പാര്ട്ടി സെക്രട്ടറിയായി താങ്കളെ നിയമിച്ചിരിക്കുന്നതെന്ന് കേരളം സംശയിക്കുന്നുണ്ട്.
പോലീസും കേസുമൊക്കെ കാണിച്ചു വിരട്ടിയാല് ഉടന് തന്നെ കേന്ദ്രത്തിലെ യജമാനന്റെ കാലില് വീഴുന്നൊരു പിണറായി വിജയനെ താങ്കള്ക്ക് പരിചയമുണ്ടാകും. ആ തുലാസ്സും കൊണ്ട് മറ്റുള്ളവരെ അളക്കാന് വരരുത്, ഗോവിന്ദന്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kannur,Kannur,Kerala
First Published :
Jun 19, 2023 12:17 PM IST
മലയാളം വാർത്തകൾ/ വാർത്ത/Kerala/
'സിപിഎമ്മിന്റെ അശ്ലീല സെക്രട്ടറി, കാണിക്കുന്നത് സ്ഥാനത്തിന്റെ നിലവാരം'; എം.വി.ഗോവിന്ദനെതിരെ കെ. സുധാകരൻ
