ട്രാന്സ്ഫോര്മറിന്റെ വേലിക്കെട്ടിനുള്ളിലേക്ക് ബൈക്ക് 'പറന്നുകയറിയ' സംഭവം; നഷ്ടപരിഹാരം ആവശ്യപ്പെട്ട് KSEB
- Published by:Jayesh Krishnan
- news18-malayalam
Last Updated:
അപകടത്തില് 12,160 രൂപയുടെ നഷ്ടമുണ്ടായിട്ടുണ്ടെന്നും നഷ്ടപരിഹാരം ഈടാക്കാന് നടപപടിയെടുക്കുമെന്നും കെ.എസ്.ഇ.ബി
ഇടുക്കി: അമിത വേഗതയയിലെത്തിയ ബൈക്ക് നിയന്ത്രണം വിട്ട് ഉയര്ന്നുപൊങ്ങി ട്രാന്സ്ഫോര്മറിന്റെ വേലിക്കെട്ടിനുള്ളില് കുടുങ്ങിയ സംഭവത്തില് നഷ്ടപരിഹാരം ആവശ്യപ്പെട്ട് കെഎസ്ഇബി. വെള്ളയാംകുടിയില് ട്രാന്സ്ഫോര്മറിന്റെ വേലിക്കെട്ടിനുള്ളിലേക്കാണ് ബൈക്ക് ഉയര്ന്നുപൊങ്ങി വീണത്. സംഭവത്തില് മോട്ടോര് വാഹന വകുപ്പ് അന്വേഷണം തുടങ്ങി.
അപകടത്തില് 12,160 രൂപയുടെ നഷ്ടമുണ്ടായിട്ടുണ്ടെന്നും നഷ്ടപരിഹാരം ഈടാക്കാന് നടപപടിയെടുക്കുമെന്നും കെ.എസ്.ഇ.ബി വ്യക്തമാക്കി. ഇത് സംബന്ധിച്ച് കെ.എസ്.ഇ.ബി പൊലീസില് പരാതി നല്കിയിട്ടുണ്ട്.
സംഭവത്തില് റിപ്പോര്ട്ട് സമര്പ്പിക്കാന് മോട്ടോര് വെഹിക്കിള് ഇന്സ്പെക്ടര്ക്ക് ആര്.ടി.ഒ നിര്ദേശം നല്കിയിട്ടുണ്ട്. ബൈക്ക് ഓടിച്ചിരുന്ന യുവാവിന്റെ ലൈസന്സ് റദ്ദാക്കാനുള്ള നടപടികളും ഉണ്ടായേക്കും. ബൈക്ക് കോടതിയില് ഹാജരാക്കി ആര്.സി റദ്ദാക്കിയേക്കും.
advertisement
അപകടത്തില് ബൈക്ക് യാത്രികനായ വലിയകണ്ടം സ്വദേശി പരിക്കേല്ക്കാതെ രക്ഷപ്പെട്ടു. ഉയര്ന്നു പൊങ്ങിയ ബൈക്ക് ട്രാന്സ്ഫോര്മറിനുള്ളില് കുടുങ്ങിയെങ്കിലും ബൈക്ക് ഓടിച്ചയാള് പുറത്താണ് വീണത്. വാഹനം ട്രാസ്ഫോര്മറില് കുടുങ്ങിയതോടെ ബൈക്ക് ഓടിച്ച ആള് പിന്നാലെ എത്തിയ ബൈക്കില് കയറി രക്ഷപെട്ടു.
advertisement
കെ.എസ്. ഇ.ബി അധികൃതരെത്തി വൈദ്യതി ബന്ധം വിച്ഛേദിച്ചതിനാല് വലിയ അപകടമാണ് ഒഴിവായത്. പൊലീസും അഗ്നിരക്ഷ സേനയമെത്തി ജെസിബിയുടെ സഹായത്തോടെയാണ് വാഹനം പുറത്തെടുത്തത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 05, 2022 12:23 PM IST
മലയാളം വാർത്തകൾ/ വാർത്ത/Kerala/
ട്രാന്സ്ഫോര്മറിന്റെ വേലിക്കെട്ടിനുള്ളിലേക്ക് ബൈക്ക് 'പറന്നുകയറിയ' സംഭവം; നഷ്ടപരിഹാരം ആവശ്യപ്പെട്ട് KSEB
