കൊല്ലത്ത് കൂട്ടുകാർക്കൊപ്പം പിറന്നാൾ ആഘോഷത്തിനെത്തിയ നിയമവിദ്യാർത്ഥിനി മുങ്ങി മരിച്ചു
- Published by:Sarika KP
- news18-malayalam
Last Updated:
ഇത്തിക്കരയാറ്റില്‍ പോരേടം വട്ടത്തില്‍ ഭാഗത്ത് എത്തിയ സംഘത്തിലെ വിദ്യാര്‍ത്ഥിനി കയത്തില്‍ അകപ്പെടുകയായിരുന്നു.
കൊല്ലം: കൂട്ടുകാർക്കൊപ്പം പിറന്നാൾ ആഘോഷത്തിനെത്തിയ നിയമവിദ്യാർത്ഥിനി കൊല്ലം ഇത്തിക്കര ആറ്റില്‍ മുങ്ങി മരിച്ചു. കിളിമാനൂർ മഹാദേവേശ്വരം ക്ഷേത്രത്തിന് സമീപം അനിതാസില്‍ തുളസീധരൻ നായർ അനിത ദമ്പതികളുടെ മകൾ മീനു തുളസീധരൻ (20) ആണ് മുങ്ങി മരിച്ചത്. ചൊവ്വാഴ്ച്ച വൈകുന്നേരത്തോടെയാണ് അപകടം.
തിരുവനന്തപുരം ലോ കോളേജില്‍ രണ്ടാം വര്‍ഷ നിയമവിദ്യാര്‍ത്ഥിനിയാണ്. ഇത്തിക്കരയാറ്റില്‍ പോരേടം വട്ടത്തില്‍ ഭാഗത്ത് എത്തിയ സംഘത്തിലെ വിദ്യാര്‍ത്ഥിനി കയത്തില്‍ അകപ്പെടുകയായിരുന്നു. ഫയര്‍ഫോഴ്‌സും നാട്ടുകാരും നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്. പോസ്റ്റ്‌മോര്‍ട്ടം നടപടികള്‍ക്കായി മൃതദേഹം പാരിപ്പള്ളി മെഡിക്കല്‍ കോളജിലേക്ക് മാറ്റി. സംഭവത്തിൽ ചടയമംഗലം പോലീസ് കേസെടുത്തു. പോസ്റ്റുമോർട്ടത്തിനു ശേഷം സംസ്കാരം നടക്കും. സാനു തുളസീധരൻ, ജാനു തുളസീധരൻ സഹോദരങ്ങളാണ്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kollam,Kollam,Kerala
First Published :
May 17, 2023 7:04 AM IST
മലയാളം വാർത്തകൾ/ വാർത്ത/Kerala/
കൊല്ലത്ത് കൂട്ടുകാർക്കൊപ്പം പിറന്നാൾ ആഘോഷത്തിനെത്തിയ നിയമവിദ്യാർത്ഥിനി മുങ്ങി മരിച്ചു
