വീട്ടിനുള്ളിൽ സമാന്തര ടെലഫോൺ എക്സ്ചേഞ്ച്; പോലീസിനെ വിസ്മയിപ്പിച്ച് മലപ്പുറത്തെ ഹൈ ടെക് തട്ടിപ്പുകാരൻ

മലപ്പുറം: നിയമവിരുദ്ധമായ സമാന്തര ടെലിഫോൺ എക്സ്ചേഞ്ച് കേസിൽ കഴിഞ്ഞ ദിവസം അറസ്റ്റിലായ മലപ്പുറം കൊണ്ടോട്ടി സ്വദേശിയെ കുറിച്ചുള്ള വിവരങ്ങൾ പൊലീസിനെ അമ്പരപ്പിക്കുന്നതാണ്. മലപ്പുറം കീഴ്ശ്ശേരി സ്വദേശി മിസ്ഹബ് ആണ് സമാന്തര ടെലിഫോൺ എക്സ്ചേഞ്ച് കേസിൽ അറസ്റ്റിലായത്. വിദേശത്ത് നിന്നും ചുരുങ്ങിയ ചെലവിൽ ഫോൺ വിളിക്കാം എന്ന വാഗ്ദാനം നൽകി ആണ് തട്ടിപ്പ് സംഘം ഉപഭോക്താക്കളെ പ്രലോഭിപ്പിച്ച് ഈ സംവിധാനത്തിൽ കൊണ്ടുവരുന്നത്. ഇത് വഴി വിളിക്കുമ്പോൾ അത് നിലവിലെ ടെലഫോൺ എക്സ്ചേഞ്ചുകളിൽ രേഖപ്പെടുത്തുകയില്ല. അത് കൊണ്ട് തന്നെ ഇവ നിയമ സംവിധാനങ്ങൾക്ക് കണ്ടെത്താൻ കഴിയില്ല. ചുരുങ്ങിയ പണം മാത്രം മതി ഇതിലൂടെ വിളിക്കാൻ എന്നത് കൊണ്ട് നിരവധി പേര് തട്ടിപ്പ് സംഘവുമായി സഹകരിച്ചിരുന്നു എന്നാണ് പോലീസ് കണ്ടെത്തൽ.