Fake Video | ഇടത് സ്ഥാനാര്ത്ഥി ജോ ജോസഫിന്റെ വ്യാജ വീഡിയോ അപ് ലോഡ് ചെയ്തയാള് പിടിയില്
- Published by:Jayesh Krishnan
- news18-malayalam
Last Updated:
മലപ്പുറം കോട്ടക്കൽ സ്വദേശി അബ്ദുൾ ലത്തീഫാണ് പിടിയിലായത്.
കൊച്ചി: തൃക്കാക്കരയിലെ എല്ഡിഎഫ്(LDF) സ്ഥാനാര്ഥി ജോ ജോസഫിന്റെ(Jo Joseph) വ്യാജ വീഡിയോ അപ് ലോഡ് ചെയ്തയാള് പിടിയില്. മലപ്പുറം കോട്ടക്കല് സ്വദേശി അബ്ദുള് ലത്തീഫാണ് പിടിയിലായത്. കോയമ്പത്തൂരില് നിന്നാണ് പ്രതിയെ പിടികൂടിയത്. കൊച്ചി പൊലീസ് പ്രത്യേക സംഘമാണ് അബ്ദുള് ലത്തീഫിനെ അറസ്റ്റ് ചെയ്തത്.
സംഭവത്തില് തൃക്കാക്കരയില് അഞ്ച് പേര്ക്കെതിരെയാണ് പോലീസ് കേസെടുത്തിട്ടുള്ളത്. പ്രതികള് വ്യാജ ഐ.ഡിയുണ്ടാക്കിയാണ് ഫേസ്ബുക്കില് വ്യാജ വീഡിയോ അപ് ലോഡ് ചെയ്തതെന്ന് പൊലീസ് പറഞ്ഞു. എല്ഡിഎഫ് സ്ഥാനാര്ഥിക്കെതിരെ വ്യാജ പ്രചാരണം നടക്കുന്നതായി മുന് എംഎല്എ എം.സ്വരാജ് നല്കിയ പരാതിയിലാണ് കൊച്ചി സിറ്റി പൊലീസ് സൈബര് സെല്ലിന്റെ സഹായത്തോടെ വിപുലമായ പരിശോധന നടത്തിയത്.
advertisement
സമൂഹമാധ്യമത്തില് 3 വ്യാജ അക്കൗണ്ടുകള് ഉണ്ടാക്കിയാണ് വിഡിയോ പ്രചരിപ്പിച്ചത്. പിടിക്കപ്പെടാതിരിക്കാന് ഇന്റര്നെറ്റ് തിരിച്ചറിയല് വിവരങ്ങള് മറയ്ക്കാനുള്ള വിപിഎന് സംവിധാനം ഉപയോഗിച്ചിരുന്നു. വിഡിയോ പ്രചരിപ്പിച്ചശേഷം അക്കൗണ്ടുകള് ഡിലീറ്റ് ചെയ്തു. സൈബര് വിദഗ്ധരുടെ സഹായത്തോടെ പ്രതികളുടെ സമൂഹമാധ്യമ ഇടപെടലുകള് കണ്ടെത്തിയാണ് ആറു പേരെയും തിരിച്ചറിഞ്ഞത്.
ഡോ. ജോ ജോസഫ് ഒരു യുവതിക്കൊപ്പം എന്ന പേരില് സമൂഹമാധ്യമങ്ങളില് വ്യാപകമായി വിഡിയോ പ്രചരിച്ചിരുന്നു. വിഡിയോ പ്രചരിപ്പിച്ചവര്ക്കെതിരെ നടപടി ആവശ്യപ്പെട്ട് ഡിജിപി ഉള്പ്പടെയുള്ളവര്ക്കു ജോ ജോസഫ് പരാതി നല്കിയിരുന്നു. ജോ ജോസഫിന്റെ ഭാര്യ ഡോ. ദയ പാസ്കല് ഉള്പ്പെടെയുള്ളവരും രംഗത്തെത്തി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 31, 2022 9:44 AM IST
മലയാളം വാർത്തകൾ/ വാർത്ത/Kerala/
Fake Video | ഇടത് സ്ഥാനാര്ത്ഥി ജോ ജോസഫിന്റെ വ്യാജ വീഡിയോ അപ് ലോഡ് ചെയ്തയാള് പിടിയില്
