'അഭിരാമിയെ കടിച്ചത് വളര്ത്തുനായ' കഴുത്തില് ബെല്റ്റും തുടലുമുണ്ടായിരുന്നെന്ന് അമ്മ
- Published by:Jayesh Krishnan
- digpu-news-network
Last Updated:
ജര്മ്മന് ഷെപ്പേര്ഡ് ഇനത്തില്പ്പെട്ട നായയാണ് അഭിരാമിയെ ആക്രമിച്ചതെന്ന് അമ്മ രജനി
പത്തനംതിട്ട: പേവിഷബാധയേറ്റ് ചികിത്സയിലിരിക്കെ മരിച്ച അഭിരാമിയെ കടിച്ചത് വളര്ത്തുനായയെന്ന് അമ്മ രജനി. നായയുടെ കഴുത്തില് ബെല്റ്റും തുടലുമുണ്ടായിരുന്നതായി അമ്മ പറയുന്നു. ജര്മ്മന് ഷെപ്പേര്ഡ് ഇനത്തില്പ്പെട്ട നായയാണ് ആക്രമിച്ചതെന്നും രജനി പറയുന്നു. കുട്ടിയെ എത്തിച്ചപ്പോള് പെരിനാട് ആശുപത്രി പൂട്ടിയ നിലയിലായിരുന്നു. പത്തനംതിട്ട ജനറല് ആശുപത്രിയിലേക്ക് പിന്നീട് കൊണ്ടുപോയി.
കുട്ടിയുടെ പരിക്കിന്റെ ഗൗരവം ഡോക്ടര് തിരിച്ചറിഞ്ഞില്ലെന്നും മുറിവ് കഴുകിയത് പിതാവാണെന്നും കുടുംബം ആരോപിച്ചു. അതേസമയം നാല് മണിക്കൂറിനകം ചെയ്യേണ്ടതെല്ലാം ചെയ്തുവെന്നാണ് ആശുപത്രി പറഞ്ഞത്. കണ്ണിന്റെ ഭാഗത്ത് വലിയ മുറിവുണ്ടായിരുന്നു. ആണുബാധയേല്ക്കാന് സാധ്യതയുണ്ടായിരുന്നങ്കില് അവര് എന്തുകൊണ്ട് റഫര് ചെയ്തില്ലയെന്നും അമ്മ രജനി ചോദിച്ചു.
ഓഗസ്റ്റ് 14 നാണ് പത്തനംതിട്ട പെരുനാട് സ്വദേശിയായ അഭിരാമിക്ക് നായയുടെ ആക്രമണത്തില് ഗുരുതരമായി പരിക്കേറ്റത്. ശരീരത്തില് ഏഴിടത്ത് അഭിരാമിക്ക് കടിയേറ്റിരുന്നു. പല്ലിനു പുറമേ നഖം കൊണ്ടുള്ള മുറിവുകളും ഉണ്ടായിട്ടുണ്ട്. പേവിഷബാധയുടെ ലക്ഷണങ്ങള് കാട്ടിയതിനെ തുടര്ന്ന് കുട്ടിയെ കോട്ടയം മെഡിക്കല് കോളേജിലേക്ക് മാറ്റുകയായിരുന്നു.
advertisement
എന്നാല് തിങ്കളാഴ്ച ഉച്ചയോടെ മരണം സ്ഥിരീകരിക്കുകയായിരുന്നു. രാവിലെ പാല് വാങ്ങാന് പോകുമ്പോഴായിരുന്നു സംഭവം. ഓടിരക്ഷപ്പെടാന് ശ്രമിച്ച അഭിരാമിയുടെ പിന്നാലെ എത്തിയ നായ കൈകാലുകളിലും മുഖത്തും വലതുകണ്ണിനോട് ചേര്ന്നഭാഗത്തും കടിക്കുകയായിരുന്നു. ശരീരത്തില് ഏഴിടത്ത് അഭിരാമിക്ക് കടിയേറ്റിരുന്നു. പല്ലിനു പുറമേ നഖം കൊണ്ടുള്ള മുറിവുകളും ഉണ്ടായിട്ടുണ്ട്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Sep 06, 2022 2:07 PM IST
മലയാളം വാർത്തകൾ/ വാർത്ത/Kerala/
'അഭിരാമിയെ കടിച്ചത് വളര്ത്തുനായ' കഴുത്തില് ബെല്റ്റും തുടലുമുണ്ടായിരുന്നെന്ന് അമ്മ
